Juan 4:34 - Maung A Balita Biblia

³⁴ Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Maung a Balita Biblia

³⁴ Inkuanen Jesus ed sikara, Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 4:34 Cross References

Say Libro nen Job 23:12

Oonuren ko lawas iray Ganggan na Dios; susumpalen koy linawa to, aliwan say dilin labay ko.

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Mateo 26:39

Kaarawi toy daiset, dinmakmomo a sinmabid dalin so lupa to tan nampikasi, “Amak, no nayari komun, ipaliis mo siak yan kupay kairapan! Balet aliwan say linawak, no ag ingen say linawam, so nasumpal.”

Mateo 3:15

Inmebat si Jesus, “Paolyan mon onyay nagawa natan, ta sikato yay nepeg tan gawaen, pian nagawaay amin a kakaukolan na Dios.” Inmabuloy sirin si Juan.

Mateo 9:19

Akila sirin si Jesus a kaiba to ray disipulo to.

Lucas 15:10

Ontan met, kuankod sikayo, so panliket na saray anghil na Dios lapud sakey a toon mampataulid saray kasalanan to.”

Lucas 19:10

Ta say Anak na Too linma dian mananap tan mangilaban ed abalang.”

Lucas 2:49

Inmebat ed sikara, “Akin et inanap yo ak sirin a? Ag yo ta amtan nakaukolan a wala ak ed abung na Amak?”

Juan 17:4

Pinagalangan ta kad sankamundoan, tan inonur koy pagagawam ed siak.

Juan 19:28

Kasumpal to ya, lapud amta nen Jesus ya ayari lay amin a bengatla, tan pian nasumpal so ibabagay Masanton Sulat, inkuanto, “Napgaan ak!”

Juan 19:30

Nen atawayan nen Jesus so alak ya anapseng inkuanto, “Asumpal la!” Intuek toy olo to, insan inyawat toy ispiritu to.

Juan 4:32

Balet inmebat si Jesus ed sikara, “Walay kanen kon ag yo amta.”

Juan 5:30

“No siak a dili, anggapoy nagawaan ko. Manintinsia ak onung na narerengel kod Ama. Matonung so panintinsiak lapud ag ko gagawaen so linawak a dili, no ag ingen say linawa na angibakid siak.

Juan 5:36

Balet walay mantasid siak a lalon ambelat nen say impantasi nen Juan, a salanti: saray kimey a pagagawa nen Amak susumpalen ko tan sikara yay mantasi ya imbaki ak na Ama.

Juan 6:33

Ta say tinapay ya iiter na Dios et samay linmasur a nanlapud tawen tan mangiiter na bilay ed sankamundoan.”

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Juan 8:29

Kaibak so angibakid siak. Ag to ak tinaynan a mambukbukor, ta gagawaen ko lawas iray makapaliket ed sikato.”

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.