Juan 4:15 - Maung A Balita Biblia

¹⁵ Inkuanto may biid sikato, “Itdan mo ak pa sirin itan a danum, pian ag ak lan balut naapgaan tan ag ak la ompawil dian onasul.”

Maung a Balita Biblia

¹⁵ Inkuanto may biid sikato, Itdan mo ak pa sirin itan a danum, pian ag ak lan balut naapgaan tan ag ak la ompawil dian onasul.

Juan 4:15 Cross References

Saray Salmo 4:6

Dakel iray mampikasi: “Itdan mo kami pay lalon dakel a bindision! Mapangasin osdungan mo kami pa, O Katawan!”

Juan 4:16

“Laka,” kuanen Jesus ed sikato, “ta itagar mo diay asawam.”

Juan 6:26

Inmebat si Jesus, “Ibabagak ed sikayoy katwaan: aanapen yo ak aliwan lapud anengneng yo ray makapakelkelaw a gawgaway pakayarik, no ag lapud napsel kayon angay tinapay.

Juan 6:34

Inkuandan tampol, “Katawan, itdan mo kami lawas sirin itan a tinapay.”

Juan 6:35

Inkuanen Jesus, “Siak so tinapay na bilay. Ag lan balut naerasan so siopaman ya ondagod siak, tan ag lan balut naapgaan so manisiad siak.

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

Saray Taga Roma 8:5

Ta saray totoon mambibilay onung ed inkanatural na too nanaoleyan so kanunotan da na saray bengatlan onung ed inkanatural na too. Balet saray mambibilay onung ed panangiwanwan na Ispiritu, nanaoleyan so kanunotan da na saray bengatlan onung ed Ispiritu.

1 CORINTO 2:14

Ta say toon anggapod sikatoy Ispiritu ag to awaten iray bengatlan iter na Ispiritu na Dios. Diad tuay tua, ag to ra natalusan; anggapoy kabaliksan da ra yad sikato, ta saray maispiritun bengatla natalusan ira labat diad panamegley na maispiritun panagnunot.

Santiago 4:3

Tan no mikerew kayo bilang ag yo naawat, ta maoges iray getma yo; say bengatlan panliketan yon dili so kekerewen yo.

1 Juan 5:20

Amta tayo a linma diay Anak na Dios tan initdan to itayoy pakatalus, pian naamtaan tayoy tuan Dios. Wala itayod tuan Dios—diad Anak ton Jesu-Cristo. Sikato yay tuan Dios, tan sikato yay bilay ya andi-anggaan.