Juan 2:1 - Maung A Balita Biblia

¹ Kalabas na duay agew, walay bansal ed baley na Cana ed Galilea tan wadmay ina nen Jesus.

Maung a Balita Biblia

¹ Kalabas na duay agew, walay bansal ed baley na Cana ed Galilea tan wadmay ina nen Jesus.

Juan 2:1 Cross References

Probirbio 18:22

Say toon akalmo na maung ya asawa to akarumog na maung a bengatla; ipapanengneng na saya a maung so linawa na Katawan ed sikato.

Probirbio 19:14

Say sakey a laki nayarin natawir tod atateng to so abung tan kuarta, balet say Katawan labat so makaiter ed sikato na makalakal ya asawa.

Mateo 12:46

Mansasalita niy Jesus nen sinmabiy ina to tan saray agagi ton lalaki. Nanalagar irad arapay abung, ta labay dan pitongtongay Jesus.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Juan 1:35

Diad ontombuk ya agew, wadman lamet si Juan a kaiba to ray duaran disipulo to.

Juan 1:43

Diad ontombuk ya agew, linmay Jesus ed Galilea. Arumog toy Felipe tan kuantod sikato, “Tombuk kad siak.”

Juan 2:11

Sayan ginawa nen Jesus dimad Cana ed Galilea et onona-ona ed saray milagron ginagawa to. Diad panamegley na sayan agawa impatnag nen Jesus so kagalangan to, kanyan anisiad sikato ray disipulo to.

Juan 21:2

Nanoolup ira di Simon Pedro, Tomas (ya apangaranay Siping), Nataniel (a taga Cana ed Galilea), saray anak nen Zebedeo tan duara nin disipulo nen Jesus.

Juan 4:46

Linma lamet si Jesus ed baley na Cana ed Galilea, a diman imay nanggawaan toy milagro ya impagmaliw ton alak so danum. Walay sakey a panguloy baley a mansasakit so anak ton laki ed Capernaum.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.

Josue 19:28

Hebron, Rehob, Hamon, Cana, ya anggad Sidon.