Juan 10:7 - Maung A Balita Biblia

⁷ Kanyan inkuan lamet nen Jesus, “Ibabagak ed sikayoy katwaan: siak so puirtan dadalanen da ray karniro.

Maung a Balita Biblia

⁷ Kanyan inkuan lamet nen Jesus, Ibabagak ed sikayoy katwaan: siak so puirtan dadalanen da ray karniro.

Juan 10:7 Cross References

Saray Salmo 100:3

Birbir yon Dios so Katawan! Pinalsa to itayo, tan kayaryan to itayo; totoo to itayo, saray karniro to.

Saray Salmo 79:13

Insan sikami ran totoom, saray karniro na poluk mo, anggad anggan misalamat kamid sika tan idayew mi kad amin a panaon ya onsabi.

Saray Salmo 95:7

Sikatoy Dios tayo; sikatayoy totoon aasikasoen to, saray karniron tataganoen to. Diad sayan agew, dengel yoy ibabaga to:

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Ezekiel 34:31

“Sikayo ran karnirok, say poluk a papakanen ko, et sikayo ray totook, tan siak so Dios yo,” kuay Katawan a Dios.

Ezekiel 36:38

Saray siudad ya aderal-deral ira natan et napano ra na saray totoo a singa inkapano na Jerusalem nen saman na saray karniron imbabagat no pista. Naamtaan dad satan a siak so Katawan.”

Juan 10:1

“Ibabagak ed sikayoy katwaan: say toon onloloob ed koral da ray karniro ya ag ondadalan ed puirta no ag ingen onluluksod ag nepeg a dadalanen, sikatoy matakew tan tulisan.

Juan 10:9

Siak so puirta. Nilaban so siopaman ya onloob ed panamegley ko; onloob tan ompaway, et makalmoy pankabkaban to.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

TAGA-EFESO 2:18

Lapud si Cristo, Judio man o Hintil itayo, makaasingger tin amin ed Ama diad panamegley na sakey ya Ispiritu.