Juan 10:4 - Maung A Balita Biblia

⁴ No nipaway to la ran amin, manaakar a walad onaan da. Totombuken da ta kabat day bosis to.

Maung a Balita Biblia

⁴ No nipaway to la ran amin, manaakar a walad onaan da. Totombuken da ta kabat day bosis to.

Juan 10:4 Cross References

Kanta nen Solomon 2:8

Narerengel koy bosis na inarok. Mambabtik ya ombebeltang ed kapalandeyan tan kapokdulan diad iyaasingger tod kawalaan ko.

Kanta nen Solomon 5:2

Nen akaogip ak, abangon so liknaan ko. Akogip kon tinmoktok ed puirta so inarok. Paloob mo ak pa, O inarok, say pinablik ya aliling toy malimlimgas a malapati. Abasa na linaew so olok, apoyut na kelpa so buek ko.

Mateo 16:24

Inkuanen Jesus ed saray disipulo to, “Siopamay malabay ya ontombuk ed siak, nakaukolan a lingwanan toy sikaton dili, sakbaten toy krus to, insan ontombuk ed siak.

Juan 10:16

Wala ni ray arum a karnirok ya andi rad sayan koral. Nakaukolan ya ipitipon ko met ira. Dengelen da met so bosis ko tan diad onya, magmaliw a saksakey so poluk tan saksakey met so managpastol.

Juan 10:27

Ondedengel na bosis ko ray karnirok. Amtak ira tan totombuken da ak.

Juan 10:3

Lolokasan na managbantay na puirta tan derengelen na saray karniro so bosis to. Tatawagen tod kangaranan da ray karniro to, tan ipapaway to ra.

Juan 10:5

Ag ira ontombuk ed sananey; ibatikan da ni ingen, ta ag da kabat so bosis da ray arum.”

Juan 10:8

Tutulisan tan matatakew iray inmona nen siak, balet ag ira dinengel na saray karniro.

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Juan 13:15

Impanengneng kod sikayoy sakey ya oliran, pian aligen yo yan ginawak ed sikayo.

Juan 18:37

Tinepet nen Pilato, “No ontan sirin, sakey kan ari?” Inmebat si Jesus, “Ibabagam la a sakey ak ya ari. Say makasengeg no akin et nianak tan linma ak ed sayan mundo et say pantasik ed katwaan. Siopamay walad katwaan ondengel ed siak.”

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

1 CORINTO 11:1

Alig yo ak sirin, a singa pangaalig kod Cristo.

TAGA-EFESO 5:1

Alig yo so Dios, bangta anak to kayon inararo.

Deuteronomio 1:30

Iwanwan kayo na Katawan a Dios yo, tan milaban para sikayo, a singa anengneng yon ginawa to ed Egipto

Saray Hebreo 12:2

Ag tayo nepeg ya alisay mata si Jesus a sikatoy nanlapwan tan pansumpalay pananisia tayo. Lapud liket a manaalagar ed sikato, ag to imbaing so ompatey ed krus, tan akayorung natan ed nikawanay trono na Dios.

Saray Hebreo 6:20

Inmona nen sikatayo a linmoob diman si Jesus a mangilaman ed sikatayo. Nagmaliw a pangulon pari ya anggad angga, onung na inkapari nen Melkisedek.

1 Pedro 2:21

Say pantepel na kairapan et kabyangay impamili na Dios ed sikayo; ta nanirap met si Cristo lapud sikayo tan angitilak na oliran ya aligen yo.

1 Pedro 4:1

Lapud nanirap ed laman si Cristo, nepeg a sipaparaan ki met a manirap a singa sikato. Ta say maniirap ed laman ibebeneg to lay kasalanan.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.