Juan 1:45 - Maung A Balita Biblia

⁴⁵ Nalmo nen Felipe si Nataniel tan kuantod sikato, “Arumog miy Jesus a taga Nazaret ya anak nen Jose. Sikato may toon labay ya ibaga nen Moises ed insulat tod Ganggan, tan sikato met imay labay ya ibaga da ray propita.”

Maung a Balita Biblia

⁴⁵ Nalmo nen Felipe si Nataniel tan kuantod sikato, Arumog miy Jesus a taga Nazaret ya anak nen Jose. Sikato may toon labay ya ibaga nen Moises ed insulat tod Ganggan, tan sikato met imay labay ya ibaga da ray propita.

Juan 1:45 Cross References

Lucas 24:27

Insan impaliwawa nen Jesus ed sikara yan asalitan nipaakar ed sikato diad Masanton Sulat, manlapud saray libro nen Moises ya anggad saray sulat na amin da ray propita.

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Mateo 2:23

Diad baley na Nazaret so nanayaman to. Ginawa to ya pian nasumpal so inkuan na saray propita, “Sikatoy natawag a Nazareno.”

Lucas 24:44

Insan inkuantod sikara, “Sikara yay sinalitak ed sikayo nen kaibiba ta kayo ni. Imbagak ed sikayon nepeg a nasumpal ya amin iray nisulat nipaakar ed siak diad Ganggan nen Moises, diad saray sulat da ray propita, tan diad saray Salmo.”

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Lucas 4:22

Indayew na amin a totoo, tan mankelaw irad saray mararakep a salita to. “Aliwa tan sikato ya may anak nen Jose?” tepet da.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

Zacarias 6:12

Ibagam ed sikato a say Katawan a Makapanyarin-amin kuanto, ‘Say toon tatawagen na Say Sanga et onaligwas ed kawalaan to tan pasimbaloen ton ipaalagey so Timplo na Katawan.

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.

Juan 18:7

Tinepet lamet nen Jesus ed sikara, “Siopay aanapen yo?” “Si Jesus a taga Nazaret,” inkuanda.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Genesis 22:18

Nabindisionan iray amin a bansad mundo a singa impamindision kod saray kabyangay boleg mo—lapud inonur moy ganggan ko.”

Marcos 6:3

Aliwa kasin sikato ya may karpintiro, ya anak nen Maria, tan sikatoy agi di Santiago, Jose, Judas, tan Simon? Ag ta manaayam ira diay agagi ton bibii?” Sikatoy ag da sirin sinisia.

Mateo 21:11

Inmebat iray totoo, “Sikato yay propitan manngaray Jesus a taga Nazaret na Galilea.”

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.”

Saray Gawgawa 22:8

Tinepet ko, ‘Siopa ka, Katawan?’ ‘Siak si Jesus a taga Nazaret a papairapen mo,’ ebat to.

Saray Gawgawa 10:38

Amta yo no panoy impangiter na Dios ed kinen Jesus a taga Nazaret na Ispiritu Santo tan say pakayari. Nililiber ton amiy pasen, nanggagaway kamaungan tan nampapaabig ed saray papairapey dimonyo, ta say Dios walad sikato.

Juan 21:2

Nanoolup ira di Simon Pedro, Tomas (ya apangaranay Siping), Nataniel (a taga Cana ed Galilea), saray anak nen Zebedeo tan duara nin disipulo nen Jesus.

Lucas 2:4

Diad Nazaret, Galilea, so panaayaman nen Jose, kanyan linmad Judea ed baley na Betlehem a nianakan nen Ari David. Dimay nila nen Jose, ta kabyangay boleg nen David.

Marcos 14:67

Nen anengneng toy Pedro a mandarangdang, kinonineng ton maung tan kuanto, “Kaiba ka met nen Jesus a taga Nazaret.”

Mateo 13:55

Aliwa tan sikato ya may anak na karpintiro? Aliwa tan manngaray Maria so ina to, tan di Santiago, Jose, Simon, tan Judas iray agagi to?

Saray Gawgawa 26:9

“Abaloan ko met nen saman a nepeg kon gawaey amin a nayarian ko a panumlang ed ngaran nen Jesus a taga Nazaret.

Saray Gawgawa 3:6

Inkuanen Pedro ed sikato, “Anggapon balut so kuartak, balet say walad siak, iter kod sika: diad ngaran nen Jesu-Cristo a taga Nazaret, manakar ka!”

Saray Gawgawa 2:22

“Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Juan 19:19

Insulat nen Pilato so onyan balikas: “Si Jesus a taga Nazaret, say Ari da ray Judio,” insan to impaipeket ed krus.

Juan 18:5

“Si Jesus a taga Nazaret,” inebat da. Inkuanen Jesus ed sikara, “Siak si Jesus.” Kaiba ray Judas a traidor a manalalagey.

Juan 6:42

Kanyan inkuanda, “Ag ta sikato ya may Jesus ya anak nen Jose? Kabat ti ray atateng to! Panoy pangibabaga to natan a nanlapud tawen?”

Lucas 3:23

Mantalomploy taon si Jesus nen ginapoan toy mampulong. Abaloan na saray totoo a si Jesus et anak nen Jose, ya anak nen Eli,

Mateo 10:3

si Felipe tan si Bartolome; si Tomas, tan si Mateo a sumisingil na buis; si Santiago ya anak nen Alfeo, tan si Tadeo; si Simon a Patriota, tan

Lucas 2:48

Mankelaw met iray atateng to nen anengneng da. Inkuanen ina to, “Anak, akin et onyay ginawam ed sikami? Mapalaloy pagpaga mi nen amam diad panaanap mid sika.”

Juan 1:44

(Si Felipe taga Betsaida a baley di Andres tan Pedro.)

Juan 6:5

Tinmangway Jesus tan anengneng toy amayamay a totoo ya ondaragod sikato. Tinepet tod kinen Felipe, “Iner so panaliwan tayoy ipakan tayod sarayan totoo?”

Juan 6:7

Inmebat si Felipe, “Anggan mambiliy duan lasus a dinarion tinapay so saliwen, siansian ag ni naapisay eges dan amin.”

Juan 12:21

Inasinggeran day Felipe a taga Betsaida, Galilea, tan kuandad sikato, “Kaaro, labay min napinengnengay Jesus.”

Juan 14:8

Inkuanen Felipe ed sikato, “Katawan, ipanengneng moy Ama ed sikami, et masarag lad sikami.”

Lucas 18:37

“Onlalabas si Jesus a taga Nazaret,” inkuandad sikato.