Juan 1:3 - Maung A Balita Biblia

³ Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

Maung a Balita Biblia

³ Diad panamegley to apalsa ya amiy bengatla; anggapoy bengatlan apalsa ya aliwan diad panamegley to.

Juan 1:3 Cross References

Genesis 1:1

Diad gapoy gapo nen pinalsa na Dios iray katawenan tan say dalin,

Genesis 1:26

Insan inkuan na Dios, “Natan mamalsa tayoy too; gawaen tayo ran kaparparay indengan tayo tan kaolibay tayo. Sikaray manoley ed saray sira, saray manok, tan amin ya ayayep, saray amo tan saray atap, saray baleg tan saray melag.”

Saray Salmo 102:25

abayag lan pinalsam so mundo, tan saray dilin limam so nanggawad katawenan.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Probirbio 8:30

Singa ak arkitikto a walad abay to nen saman, siak so inagew-agew a panlalapway liket to, malikeliket ak lawas ed arap to—

Isaias 45:12

Siak so nanggawad mundo tan amalsad too a manayam ed tapew na dalin. Lapud pakayarik impanat koy katawenan; siak so makaoley ed agew, bulan, tan saray bitewen.

Isaias 45:18

Say Katawan pinalsa toy katawenan— sikato so Dios! Tinibokel tan ginawa toy mundo— ginawa ton malet tan mansiansia lawas. Ag to ginawan anggapoy kabaliksan to, no ag ingen ginawa ton pasen a panayaman na saray totoo. Sikato so angikuan, “Siak so Katawan, tan anggapo lay arum.

Juan 1:10

Say Salita sirin walad mundo. Pinalsay Dios so mundo ed panamegley to, balet sikatoy ag amta na sankamundoan.

Juan 1:2

Diad gapoy gapo kaiba lay Dios so Salita.

1 CORINTO 8:6

para sikatayo saksakey so Dios, say Ama ya amalsad amin a bengatla tan mambibilay itayon para sikato. Saksakey met so Katawan, si Jesu-Cristo, a diad panamegley to apalsay amin a bengatla, tan diad panamegley to met mambibilay itayo.

TAGA-EFESO 3:9

tan mangipalinew ed amin a katoowan na nipaakar ed pangikanay maamut a plano na Dios. Saya et abaybayag lan inyamut na Dios a Manamalsay amin a bengatla,

Saray Hebreo 11:3

Lapud pananisia, natalusan tayon pinalsa na Dios so sankamundoan diad panamegley na salita to; kanyan saray nanengneng nanlapu rad ag nanengneng.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

Puyan 3:14

“Isulat mod anghil na iglisia ed Laodicea: “Sikato yay ibabaga na manngaray Amen, say matoor tan tuan tasi, a sikatoy nanlapway amin a pinalsay Dios.

Puyan 4:11

“Katawan tan Dios mi! Manepenepeg kan mangawat na galang, dayew, tan pakayari. Ta sikay amalsad amiamin, tan onung ed linawam, niwala ra tan naitdan iray bilay.”