Jonas 1:12 - Maung A Balita Biblia

¹² Inmebat si Jonas, “Ibantak yo ak ed dayat, et ontonday bagyo. Amtak a siak so makasengeg na sayan impakabetan yo diay mabiskeg a bagyo.”

Maung a Balita Biblia

¹² Inmebat si Jonas, Ibantak yo ak ed dayat, et ontonday bagyo. Amtak a siak so makasengeg na sayan impakabetan yo diay mabiskeg a bagyo.

Jonas 1:12 Cross References

2 Samuel 24:17

Anengneng nen David imay anghil a mamapatey na saray totoo, tan kuantod Katawan, “Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.”

1 Saray Awaran 21:17

Nampikasiy David, “O Dios, siak so nanggaway kaogsan. Siak so angiganggan a bilangen iray totoo. Antoy ginawa na sarayan totoo? Katawan a Dios ko, siak pay dusam tan say pamilyak, aliwan saray totoom.”

Say Libro nen Job 35:8

Saray kaparam a totoo so manirap lapud saray kasalanan mo, tan sikaray natulongan lapud kaabigan mo.

Ecclesiastes 9:18

Dakel nin kaabigan so nagawaan na kakabatan nen say nagawaan na saray armas a para bakal, balet say sakey a makasalanan baleg a kaabigan so naderal to.

Jonas 1:11

Pinmalalo lan pinmalalo so imbiskeg na samay bagyo, kanyan saramay mariniro tinepet dad kinen Jonas, “Antoy gawaen mid sika pian ontonday bagyo?”

Jonas 1:13

Balet ginawa na saramay mariniro so anggaay nayarian dan mangigilig ed samay bapor. Insakasakay day pinasia, balet ag da nigilig lapud pinmalalo lan pinmalo so imbiskeg na bagyo.

Juan 11:50

Ag yo ta amtan lalon maung nin ompatey so sakey a toon para saray katoowan, nen say naderal so intiron bansa?”

Saray Gawgawa 27:24

‘Ag ka natatakot, Pablo!’ inkuanto. ‘Nepeg moy onarap ed Impirador. Lapud sika, ilaban na Dios iray amin a kakaibam a mambiabiahi.’

Josue 7:12

Sikato yay makasengeg ya ag nalabanan na saray Israelita iray kalaban da. Sinmener ira, lapud sikaran dili et asintinsiaan la ran ompatey. Ag ta kayo la olupen no ag yo deralen iray bengatlan sebel ya alaen yo!