Joel 1:11 - Maung A Balita Biblia

¹¹ Manermen kayo, sikayon dumaralos; akis kayo, sikayon managasikasoy kaubasan, lapud aderal la ray trigo, sibada, on, aderal lan amiy tanaman ed kaalogan.

Maung a Balita Biblia

¹¹ Manermen kayo, sikayon dumaralos; akis kayo, sikayon managasikasoy kaubasan, lapud aderal la ray trigo, sibada, on, aderal lan amiy tanaman ed kaalogan.

Joel 1:11 Cross References

Isaias 17:11

Anggaman a diad saman lamlamang a kabwasan na impantanem yod saray tanaman so intubo tan impanrosas da anggapo nin siansiay naani yo. Gunigon tan ag manondan sakit labat so onsabi.

Jeremias 14:2

“Say Juda et walad kaermenan, ompapatey iray siudad to, mandokdokul ed dalin iray totoo to lapud kaermenan, tan onkekerew na tulong so Jerusalem.

Jeremias 50:16

Ag yo aabuloyan a walay dumaralus a mantanem ed Babilonia, odino walay manani. Amin da ray sangkailin manaayam diman et ompawil irad dilin dalin da, lapud takot dad saray sondalon ondodogpa.”

Jeremias 9:12

Tinepet ko, “Katawan, akin et aderal-deral so dalin, tan minmagan singa kalawakan, kanyan anggapo lay ondadalan? Siopay makabat a makatalus ed saya? Siopay angipaliwawaan mod saya, pian nibaga to met ed saray arum a totoo?”

Ezekiel 30:2

Inkuanto, “Sika a toon ompatey, mampropisiya ka tan ibawag mo so ibabagak, siak a Katawan a Dios. Nepeg mon ikulyaot ira yan salita: Onsasabi lay agew a makapataktakot!

Amos 5:16

Kanyan say Katawan a Dios a Makapanyarin-amin kuanto, “Walay nagawan panaagugolan tan panaakisan ed saray dalan. Anggan saray dumaralus natawag iran milamay a kaiba da ray inupaan a milamay.

Saray Taga Roma 5:5

Sayan ilalo ag to pabeteley linawa tayo, ta inkalbo lay Dios so aro tod puso tayo diad panamegley na Ispiritu Santo ya inter tod sikatayo.