Exodo 6:3 - Maung A Balita Biblia

³ Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Maung a Balita Biblia

³ Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Exodo 6:3 Cross References

Genesis 13:18

Inyalis nen Abram so tulda to ed abay na saray masanton kiew ed Mamre diad Hebron tan nanayam diman. Nanggawad man met na altar a para Katawan.

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Genesis 28:3

Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Genesis 35:11

Insan inkuan na Dios ed sikato, “Siak so Dios a Makapanyarin-amin. Nawalaan kay amayamay ya anak. Manlapud sika ray bansa tan arari.

Genesis 48:3

Inkuanen Jacob ed kinen Jose, “Pinmayawar ed siak so Dios diad Luz ed dalin na Canaan tan binindisionan to ak.

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Saray Salmo 83:18

Naamtaan da komun a sika labat so Katawan say Sankatageyan a manoley ed sankamundoan.

Exodo 15:3

Sakey a bumabakal so Katawan; Yahweh so ngaran to.

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Exodo 3:14

“Siak si siak,” inkuan na Dios. “Ibagam ed sikara, ‘Say natatawag a SIAK ET SIAK, imbaki to ak ed sikayo.’

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Jeremias 16:21

“Kanyan sirin,” kuay Katawan, “maminsan tan duga la, ipaamtak ed sikara so pakayarik tan say biskeg ko; naamtaan da a siak so Katawan.”

Jeremias 33:2

Akisalitad siak so Katawan ya amalsa, anibokel, tan angilira ed mundo tan Yahweh so ngaran to. Inkuanto,

Ezekiel 20:5

Salitam ed sikara so ibabagak. Nen pinilik so Israel, walay insipan kod sikara. Impaamtak so siak a dili ed sikara diad Egipto tan inkuankod sikara: Siak so Katawan a Dios yo.

Ezekiel 37:13

No lokasan ko la ray lobuk ya akaipomponan na saray totook tan ipaway ko la ra, naamtaan dad satan a siak so Katawan.

Ezekiel 37:6

Itdan ta kayo na olat tan laman, insan balkuten ta kayo na baog. Itdan ta kayo na ingas tan pabilayen ta kayo. Naamtaan yod satan a siak so Katawan.”

Juan 8:58

“Ibabagak ed sikayoy katwaan,” kuanen Jesus, “Kasakbayan a nianak si Abraham, ‘Siak et Siak.’”

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Dios—say Dios natan, nen saman, tan say onsabi—manlapud saray pitoran ispiritu a walad arap na trono to,

Ruth 1:20

Inmebat si Noemi, “Ag yo ak tatawagen na Noemi. Tawag yo ak la na Mara, ta say Makapanyarin-amin a Dios et makapasinagem a bilay so inter tod siak.