Exodo 4:12 - Maung A Balita Biblia

¹² Laka la sirin, tulongan ta kan mansalita, tan ibagak ed sika so salitaen mo.”

Maung a Balita Biblia

¹² Laka la sirin, tulongan ta kan mansalita, tan ibagak ed sika so salitaen mo.

Exodo 4:12 Cross References

Saray Salmo 105:26

Insan imbaki toy aripen ton si Moises, tan si Aaron a pinili to ra.

Saray Salmo 143:10

Sikay Dios ko; ibangat mo ak pan mangonur na linawam. Ipanengneng mo pad siak so kamaungan mo tan iwanwan mo ak pad dalan ya anggapoy kaatapan.

Saray Salmo 32:9

Ag yo aaligen so anggapoy kalakal a kabayo o mulo, a pakalatan tan rindaan pian napatoluk.”

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Exodo 4:13

Balet inmebat si Moises, “Aliwan siak, Katawan, so ibakim. Say sananey pa lan too.”

Exodo 4:15

Mitongtong kad sikato tan ibagam so nepeg ton salitaen. Tulongan ta kayo ed pansalita yo tan ibagak ed sikayo so gawaen yo.

Exodo 4:16

Sikatoy mangiyalagey ed sika tan isalitaan to kad saray totoo; singa kad satan Dios ya ibagam ed sikato so salitaen to.

Isaias 49:2

Ginawa ton singa matdem ya ispada iray salitak. Inyagel to ak na dilin lima to. Ginawa to ak a singa sakey a panan matdem tan sipaparaan ya ikana.

Isaias 50:4

Imbangat na Katawan a Dios ed siak so salitaen ko, pian napabiskeg ko so linawa na toon mapaga. Kapag kabwasan iitdan to ak na pilalek ya ondengel ed ibangat to.

Jeremias 1:9

Insan inyonat na Katawan so taklay to, diniwit to ray bibil ko, insan kuantod siak, “Nia, iter kod sika ray nepeg mon salitaen.

Saray Bilang 16:28

Inkuanen Moises ed saray totoo, “Onya so pakapikabat yo a say Katawan so angibaki ed siak a manggawa na sarayan amin a bengatla tan ag ko kaliktan a gawaen ira.

Marcos 13:11

No erelen da kayo tan akusaen da kayod korti, ag kayo mapaga no antoy ibaga yo. Diad satan ya oras, ibaga yoy antokaman a niiter ed sikayo. Ta saray ibaga yo et manlapud Ispiritu Santo, aliwan diad sikayon dili.

Lucas 11:1

Aminsan, mampipikasi si Jesus ed sakey a pasen. Nen asumpal, inkuan na sakey ed saray disipulo to, “Katawan, ibangat mo kami pan mampikasi, a singa impangibangat nen Juan ed saray disipulo to.”

Juan 14:26

Balet say Mananulong, a salanti say Ispiritu Santo ya ibaki na Ama diad ngaran ko, ibangat tod sikayoy amin a bengatla tan ipanunot to ray amin ya imbabagak ed sikayo.

TAGA-EFESO 6:19

Ipikasi yo met ya iter na Dios ed siak so dugan pananalita, et diad ontan, matalek ak a mangipaliwaway niamut a katwaan na Maung a Balita.

Deuteronomio 18:18

Mangibaki ak ed sikara na sakey a propita a singa sika a manlapud saray totoo ra; salitaen kod sikatoy ibaga to tan ibaga tod saray totoo iray amin ya iganggan ko.