Exodo 32:3 - Maung A Balita Biblia

³ Kanyan amin da ray totoo ineekal da ray ikaw dan balituk tan inyakar da rad kinen Aaron.

Maung a Balita Biblia

³ Kanyan amin da ray totoo ineekal da ray ikaw dan balituk tan inyakar da rad kinen Aaron.

Exodo 32:3 Cross References

Genesis 24:22

Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to.

Genesis 35:4

Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.

Exodo 32:2

Kanyan kuanen Aaron ed sikara, “Ekal yo ray balituk ya ikaw na kaasawaan yo, ikaw na saray anak yon lalaki tan bibii, ta iyakar yo ra diad siak.”

Exodo 32:4

Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, “Israel, sikato ya so dios tayo ya angipaway ed sikatayod Egipto.”

Exodo 33:6

Kanyan nen tinaynan na saray Israelita so Palandey na Sinai, ag la ra nankanay alahas.

Isaias 3:19

tan diad saray ngalngalowan da. Ekalen to ray pandung da

Isaias 46:6

Lolokasan na saray totoo iray supot da insan da ikakalbo ray balituk da; isisimbang da ray pilak ed simbangan. Manguupa ray platiron manggawa na dios; insan da dadakmomoan tan gagalangen so sakey a dios.

Jeremias 10:9

Apalkapan na pilak a nanlapud Espanya iray talintaoy diriyos da; apalkapan met na balituk a nanlapud Ufaz, tan ginagawa ra na saray marunong a platiro; akawesan ira na asul tan ambalbalangan abel, ginawa ra na saray marunong a managabel.