Exodo 3:2 - Maung A Balita Biblia

² Diman pinmanengneng ed sikato so anghil na Katawan ed nengneng na apoy a manlalapud pegley na sakey ya abeban kiew; anengneng nen Moises a mandarlang imay kiew, balet ag napopoolan.

Maung a Balita Biblia

² Diman pinmanengneng ed sikato so anghil na Katawan ed nengneng na apoy a manlalapud pegley na sakey ya abeban kiew; anengneng nen Moises a mandarlang imay kiew, balet ag napopoolan.

Exodo 3:2 Cross References

Genesis 21:17

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, “Antoy panggugunigonan mo, Agar? Ag ka natatakot. Arengel na Dios so panaakis na ogaw.

Genesis 22:11

Balet tinmawag a manlapud tawen so anghil na Katawan, “Abraham, Abraham!” Inmebat, “Wadya ak.”

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Saray Salmo 66:12

Inaabuloyan mon pairapen kami na saray kalaban mi; dinmadalan kamid apoy tan delap, balet natan inyakar mo kamid pasen ya arawid kaatapan.

Exodo 19:18

Akobutan na asewek so Palandey na Sinai, lapud inmakseb diman ed nengneng na apoy so Katawan. Inmatagey so asewek a singa asewek na palbaan, et yinmegyeg na makmaksil so palandey.

Exodo 23:20

“Mangibaki ak na sakey ya anghil ya onona nen say sikayo, ta iyagel to kayo legan na pambiahi yo tan iyakar to kayo ed pasen ya imparaan ko.

Exodo 3:16

Laka sirin, ta tipon mo ray pangulo na Israel tan ibagam ed sikara a siak, say Katawan na saray lalaki ra, say Dios di Abraham, Isaac, tan Jacob et pinmanengneng ak ed sika. Ibagam met ed sikara a dinalaw ko ra tan anengneng koy gagawaen na saray Egipsio ed sikara.

Isaias 43:2

No ondalan kad aralem a danum, wala ak ed sika; ag ka natabunan na saray gunigon mo. No ondalan kad apoy, ag ka napoolan; ag ka napasakitan na saray ambelat a subok ya onsabid sika.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Daniel 3:27

Nantitipon iray prinsipi, saray gobirnador, saray bokal, tan saray arum ya opisyal na ari, ta nengnengen da ra may taloran lalaki ya ag apasakitan na apoy. Ag apoolan so buek da, ag apoolan so kawes da, tan ag iran balut anggan naasyotan.

Zacarias 13:7

Say Katawan a Makapanyarin-amin kuanto, “Bangon ka, ispada, ta dogpaan moy pumapastol a mankikimey na para siak! Patey mo, pian nikaykayat iray karniro! Dogpaan ko ray totook

Malakias 3:1

Say Katawan a Makapanyarin-amin onebat, “Paonlaen koy ibabakik a mangiparaan na dalanen ko. Insan say Katawan ya anapen yo et biglan onsabi ed Timplo to. Onsabi so ibabaki a pampilpilalekan yon nanengneng tan ibawag toy sipanan ko.”

Marcos 12:26

Natan, nipaakar ed kiolid bilay: ag yo ta ni abasa ed libro nen Moises so nipaakar ed abeban kiew a napopoolan? Nisulat diman a say Dios kauntod kinen Moises, ‘Siak so Dios nen Abraham, Dios nen Isaac, tan Dios nen Jacob.’

Lucas 20:37

Anggan si Moises a dili papaneknekan ton naolid bilay iray inaatey. Diad samay tongtong a nipaakar ed manliub ya abeban kiew, sinalita to a say Katawan et ‘Dios nen Abraham, Dios nen Isaac, tan Dios nen Jacob.’

Juan 1:14

Nagmaliw a too so Salita tan akiayam ed sikatayo. Anengneng miy kagalangan to a napnoy aro tan katwaan. Inawat to yan kagalangan ed Ama, ta sikatoy bogbogtung ya Anak.

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

Deuteronomio 33:16

Napano komun na amin a kaabigan so dalin da. Nabindisionan komun na kaabigan na Katawan, A nansalitan nanlapud mandarlang ya abeban kiew. Onsabi komun ira yan bindision ed tribu nen Jose Ta sikato so pangulo da ray agagi ton lalaki.

Deuteronomio 4:20

Balet sikayo ray totoon inyagel tod Egipto ya aliling toy manliub a palbaan. Impaway to kayod man pian pagmaliwen to kayon dilin totoo to a sikatoy kipapasen yo natan.

2 TESALONICA 1:7

Sikayo ran mantetepel na kairapan, kaiba mi kayon naitday inawa, diad isabiy Katawan tayon Jesus a manlapud tawen tan kaiba to ray makapanyarin anghil to.

Saray Huis 13:13

Inmebat may anghil na Katawan, “Nepeg a sumpalen na asawam iray amin ya imbagak ed sikato.