Exodo 24:3 - Maung A Balita Biblia

³ Linmay Moises ed saray totoo tan sinalita tod sikaray amin ya ingganggan tan imbilin na Katawan, et amin da ray totoo nankakasakey iran inmebat, “Gawaen mi ray amin ya imbaga na Katawan.”

Maung a Balita Biblia

³ Linmay Moises ed saray totoo tan sinalita tod sikaray amin ya ingganggan tan imbilin na Katawan, et amin da ray totoo nankakasakey iran inmebat, Gawaen mi ray amin ya imbaga na Katawan.

Exodo 24:3 Cross References

2 Saray Awaran 15:14

Inkasikasil day nansamba ed ngaran na Katawan a sumpalen day impisipanan da, insan ira inmeyag, tan amaknul na saray trumpita tan saray tambuyog.

2 Saray Awaran 15:15

Maliket iray amin a totood Juda, lapud akisipanan ira diad intiron puso ra. Nanliket iran nanlilingkur ed Katawan; inawat ira sirin na Katawan tan impanari toy kareenan ed amin a pasen.

Saray Salmo 50:5

Ibabaga to: “Tipon yod arap ko iray matoor a totook, saray akisipanan ed siak diad impangisaklang day bagat.”

Exodo 19:8

Insan amin a katoowan nambabansag iran inmebat, “Gawaen miy amin ya imbaga na Katawan.” Si Moises imbaga to ya ed Katawan.

Exodo 24:2

Sika labat tan anggapo lay arum so onsingger ed siak. Saray totoo et ag ira anggan onkalab a kaibam.”

Exodo 24:7

Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”

Jeremias 11:4

Sayan sipanan et ginawak ed saray lalaki ra nen impaway ko rad Egipto, say dalin a singa palbaan na balatyang ed sikara. Imbagak ed sikara ya onuren da ak tan sumpalen da ray ingganggan kod sikara. Imbagak ed sikara a no ontoluk ira magmaliw iran totook tan siak so Dios da.

Jeremias 34:13

a Dios na Israel imbaga tod siak ya ikuanko yan salita tod saray totoo: “Akisipanan ak ed saray lalaki yo nen impaway ko rad Egipto tan imbolus ko rad inpakaaripen da. Imbagak ed sikara

Aggeo 2:5

Nen pinmaway kayod Egipto insipan kon siak so kaiba yo lawas. Siak ni so kaiba yo, kanyan ag kayo natatakot.

Malakias 2:10

Ag ta saksakey so ama tayo? Ag ta saksakey a Dios so amalsad sikatayon amin? Akin sirin et ag tayo susumpalen so sipan tayod sakey tan sakey, tan akin et babalawen tayoy impisipanan na Dios ed saray lalaki tayo?

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 4:45

Inter to ra yan ganggan ed sikara nen akapaway irad Egipto tan wala la rad patar a bokig na Ilog na Jordan tan kasumbaliwan na baley na Bet-peor. Sayan pasen kabyangan na dalin nen Sehon ya ari da ray Amorreo a sikatoy nanoley ed baley na Hesbon. Si Moises tan saray Israelita et tinalo ray Sehon nen pinmaway irad Egipto.

Deuteronomio 4:5

“Imbangat kod sikayo ray amin a ganggan onung na imbagad siak na Katawan a Dios ko. Onur yo ra ed dalin a ngalngali yo la looban tan panayaman.

Deuteronomio 5:1

Impantitipon nen Moises iray amin a totood Israel tan kuantod sikara, “Totood Israel, dengel yo ray amin a ganggan ya iter kod sikayo ed sayan agew. Aral yo ra tan pampelengan yo ran onuren.

Deuteronomio 5:31

Balet sika, Moises, tilak ka ni dia, ta iter kod sika ray amin a ganggan tan bilin ko. Ibangat mod saray totoo, pian naonur da ra no wala la rad dalin ya iter kod sikara.’

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Josue 24:21

Saramay totoo kuandad kinen Josue, “Andi! Say Katawan so panlingkuran mi.”

Josue 24:22

Inkuanen Josue ed sikara, “Sikayon dili so tasi ya imbaga yon say Katawan so panlingkuran yo.” “On,” kuanda, “sikamin dili iray tasi.”

Josue 24:24

Inkuan sirin na saray totoo ed kinen Josue, “Manlingkur kamid Katawan a Dios tayo. Onuren mi ray ganggan to.”