1 Juan 1:9 - Maung A Balita Biblia

⁹ Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

Maung a Balita Biblia

⁹ Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

1 Juan 1:9 Cross References

1 Saray Arari 8:30

Dengel mo pa ray pikakasik tan saray pikakasi na saray totoom no mampikasi ran akaarap ed sayan Timplo. Diad ayaman mon tawen, dengel mo kami pa tan pirdona mo kami.

1 Saray Arari 8:47

dengel mo pa ray pikakasi na saray totoom. No diad saman a dalin et magbabawi ra tan mampikasi rad sika, ipatwa ray inkakasalanan tan inkaoges da, dengel mo pay pikakasi ra, O Katawan.

Nehemias 1:6

Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

Saray Salmo 19:12

Anggapoy toon makanengneng na saray dilin lingo to; ipaliis mo ak pa, Katawan, ed saray niamut a kasalanan!

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Jeremias 3:13

Birbir mo labat a nankasalanan ka, tan sinmumpa ka ed Katawan a Dios mo. Ipatwam a diad silong na balang mabonan kiew, inter moy panangarom ed diriyos da ray arum a bansa, tan ag mo inonur iray ganggan ko. Siak, say Katawan, so nansalita.

Jeremias 33:8

Linisan ko rad kasalanan dad siak; pirdonaen ko ray kasalanan da tan say insumpa rad siak.

Saray Tagleey 3:23

Balo ra lawas a singa kabwasan; agaylay inkatoor na Katawan.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Ezekiel 37:23

Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Zacarias 9:9

Manliket kayo na baleg, sikayon totood Sion! Eyag kayod liket, sikayon totood Jerusalem! Nengneng yo, onsasabid sikayo so ari yo! Onsasabin analo tan sipapalabo, balet mapaabeba tan akakabayod sakey a kilaw na asno—

Mateo 3:6

Impapatwa ray kasalanan da, tan binibinyagan to rad Ilog na Jordan.

Marcos 1:5

Dinmadagon ondengel ed kinen Juan iray amin a taga Judea tan siudad na Jerusalem. Impapatwa ray kasalanan da, tan binibinyagan to ra ed Ilog na Jordan.

Lucas 22:57

Balet imbori nen Pedro. Inkuanto ni ingen, “Andi pa, ag ko kabat itan a too!”

Juan 17:25

O Aman matonung! Ag ka kabat na sankamundoan, balet kabat ta ka, tan sarayan inter mod siak et amta ran imbaki mo ak.

Saray Gawgawa 19:18

Amayamay ed saray mananisia so dinmadago, binibirbir tan impapatwa rad karaklan so ginagawa ra.

Saray Taga Roma 3:26

Balet, diad sayan panaon, ipapanengneng ton sikatoy matonung, ta papaandien toy kasalanan na amin a manisiad kinen Jesus.

1 CORINTO 1:9

Matoor so Dios, say Dios ya anawag ed impikasakey yod Anak ton Jesu-Cristo a Katawan tayo.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

TAGA-EFESO 5:26

Ginawa to ya pian napasanto toy iglisia, kasumpal ton linisan diad panamegley na danum tan salita,

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

1 Timoteo 1:15

Niay sakey a katwaan a nepeg ya awaten tan sisiaen na amin: linma diad mundo si Cristo Jesus a mangilaban ed saray makasalanan. Siak so sankaogsan ed sikara,

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Saray Hebreo 10:23

Paeleten tayoy ilalo tayo tan ag tayo mapaga, ta matoor so Dios a nansipan ed sikatayo.

Saray Hebreo 11:11

Lapu met ed pananisia, akapanlokun si Sara, anggaman ya akolakolaw la, ta anisian say Dios sumpalen toy insipan to.

Saray Hebreo 6:10

Ta matonung so Dios tan ag to lingwanan iray ginagawa yo, o say panangaron impanengneng yod sikato diad panamegley na tulong ya inter yo tan iiter yo nid saray kapara yon Cristiano.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Puyan 15:3

Kakantaen day kanta nen Moises, ya aripey Dios, tan say kantay Kordiro: “Katawan a Dios a Makapanyarin-amin matalonggaring tan makapakel-kelaw iray gawgawam! Ari da ray bansa, saray dalan mo maptek tan tua ra!