Ruma 2:10 - Manobo Western Bukidnon

¹⁰ Iyan, is menge etew he ed-ulaula mulà te meupiya, lavew en is Hudiyu pehendiyà te kenà Hudiyu, edtulusen sikandan keuzemà te Megvevayà, ne ibpetehuzan din sikandan ne ibeg̵ey zin diyà te kandan is melinawen he kebpekesavuk,

Ruma 2:10 Cross References

Mateo 10:13

su wey metuvazi sikandan te Megbevayà emun edewaten kew zan. Ne emun kenè kew zan igalewg̵alew, maambe en, su kenà sikandan edleusan edtuvazi te Megbevayà.

Lucas 1:79

Henduen be te ziyè kiw ed-ubpà te utew merusirem su utew kiw egkengehandek te silut he iyan is wazè din ketepusan he kemetayen; iyan, emun ebpekeuma is Nengazen tew edteyawan kiw zin te g̵ag̵ew zin. Ne ibpeehè din kenitew is paag̵i wey ebmelinawen is ked-ubpè tew,” ke si Zacarias.

Lucas 12:37

Utew meupiya is kegeg̵ehinawa zutun te menge sulug̵uen emun ebpekeuma haazà is egalen dan ne zaan dan neendami haazà is kebpekeuma zin. Benar is egkeg̵iyen ku he haazà is egalen dan, ibpepinuu zin sikandan diyà te lemisahan ne iyan sikandin ebpekaan kandan.

Lucas 19:42

Ke sikandin te, “Angin pezem ke netuenan niw zà ke hengkey is hustu he ed-ul-ulahan su wey zuen kelinew ziyan te inged niw, iyan, kenè niw en guntaan egketuenan!

Lucas 22:14

Ne hein iyan en uras te kedlavung ne mibpinuu si Jesus wey is menge epustul zin is ebpemengaan.

Lucas 9:48

ne ke sikandin te, “Is etew he tenged te kedtuu zin kedì, edewaten din ne ebpurungan din heini is deisek he vatà, ne nezawat e zin en daan. Ne is minsan hentei he edawat kediey, nezawat din en daan is Amey ku he Megbevayà he midsug̵ù kedì. Su is minsan hentei keniyu he ebpevayàbayà te menge zuma zin, iyan sikandin tutuu he lavew keniyu.”

Juan 12:26

Ke zuen etew he egkesuat he mehimu he sulug̵uen ku, kinahanglan he edsunuzen e zin, su ke hendei a ne zutun daan is sulug̵uen ku. Ne ke zuen edtuman te menge sug̵ù ku, edelig̵en sikandin te Amey ku he Megbevayà.

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Nengeulaula 10:35

su is meg̵inged te minsan hengkey he inged dini te kelibutan, emun edtehuzen din is Megbevayà wey metazeng is ulaula zin, edewaten sikandin te Megbevayà.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

Ruma 2:9

Su is langun he menge etew he ed-ulaula te mezaat, lavew en is Hudiyu pehendiyà te kenà Hudiyu, kemeresayan wey kegkeseeng is idsilut kandan.

Ruma 5:1

Guntaan, tenged te midtuu ki en ki Jesus, mid-isip ki en te Megbevayà he metazeng he iring te wazè ki keenu mekesalà, ne tenged kayi pinaag̵i te mid-ulaula te Nengazen tew he si Jesu Kristu melinew en is kedepitè tew te Megbevayà.

Ruma 8:6

Ne emun iyan ebayàbayà te isip te etew is menge mezaat he suat te lawa zin, edsilutan sikandin te kemetayen he wazè din pidtemanan. Iyan, emun iyan mulà ebayàbayà te isip din is Wag̵as he Mulin-ulin, wazà pidtemanan te untung din, ne melinew en is kedepitè dan te Megbevayà.

Ruma 9:21

Iring te ebpendiyun su ke ediyunen din is dezuwa he kuzen, iyan sikandin ebayàbayà ke hendei zapit dutun te zezuwa is edhimuwen din he utew mekempet he ed-ehaan su edeyzeyanan din, wey ke hendei zapit is edhimuwen din he kenà utew mekempet su kuzen dà duen.

Ruma 9:23

Ne iyan heini mid-ulaula zin su wey sikita is egkehizuwan din, ikepesavut din kenita ke hengkey is utew meupiya he kebpekesavuk din su midteg̵enahan ki zin wey ki zin keuzemà metulus.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Pilipus 4:7

Ne zutun wazà samuk diyà te isip niw wey g̵ehinawa niw su pinaag̵i te kebpekidsevaha niw ki Jesu Kristu ibeg̵ey keniyu te Megbevayà is melinawen he g̵ehinawa he kenà egkesavut te minsan hentei he etew.

1 Timoteo 1:17

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.

Hibriyuhanen 2:7

Midhimu nu he lavew kandin is menge velinsug̵uen nu, iyan, taman te mevavè dà he timpu su migkag̵i nu he zuen timpu keuzemà he kinahanglan he edtulusen wey edtehuzen is menusiyà.

Santiago 2:22

Netuenan ta he pinaag̵i te kedtuu zin, midtuman din is insug̵ù kandin ne pinaag̵i zaan te kedtumana zin kayi, neheg̵et is kedtuu zin te Megbevayà.

Santiago 3:13

Is minsan hentei keniyu he metau wey zekelà is selevutan, ipeehè din pinaag̵i te meupiya he ulaula zin. Kinahanglan he kenà sikandin mepelevawen dutun te kebpaahaa zin te ketau zin pinaag̵i te menge meupiya he ed-ul-ulahan din.

1 Pedro 1:7

Is kedtuu niw, ne iring te vulawan su egezaman is bulawan pinaag̵i te hapuy su wey ikepaahà ke tutuu ve. Umba idtug̵ut te Megbevayà he mekeantus kew te merasey su wey pinaag̵i te kemeresayan meg̵ezami is kedtuu niw ke tutuu ve wey ke kenà. Mahal pa is kedtuu niw kenà is bulawan su melemu egkezeeti is bulawan. Ne emun tutuu is kedtuu niw, edelig̵en kew, ebentug̵en kew, wey edtehuzen kew keuzemà emun ibpeg̵awag̵awa en si Jesu Kristu.

1 Pedro 5:4

Ne emun edlikù si Jesus, sikan is lavew he ed-elima te menge kerehidu te Megbevayà, duen idsuhul zin keniyu he iyan is kebpekeambit niw te utew zin kegkelavew he kenà egkehanew.