Ruma 1:12 - Manobo Western Bukidnon

¹² Ne iyan ibpesavut ku is ebpein-iniyatè kiw te kedtuu.

Ruma 1:12 Cross References

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

Ruma 1:13

Egkesuatan ku, menge suled, he metueni niw he kenà egkeawà dini te isip ku is kegkesuat ku te edhendiyan, iyan, kenè e pa g̵untaan ebpekehendiyan su zuen edsanggen kedì. Egkesuat a he edhendiyan su pinaag̵i te kebpenurù ku, kela ke zuen menge etew ziyan he ebpeketuu ki Jesus, iring te pinaag̵i te kebpenurù ku, duen menge kenà Hudiyu zaan diyà te zuma he menge inged he nemeketuu kandin.

Ruma 15:24

egkeisip ku he g̵untaan human e en ebpekehendiyan te keniyu. Egkesuatan ku he mekehendiyà a te Ispanya, iyan, edtuluy a ziyan te keniyu. Ne emun egkeipus haazà is mevavà he kebpekiduma ku keniyu he igkelangan ku, ne egketevangan a keniyu zutun te kedhipanew ku.

Ruma 15:32

Ne emun egketapus heini, wey ke egkesuatan te Megbevayà, ebpekehendiyan a te keniyu he utew zekelà is kelipey ku ne egkehimu he ebmelinawen is ked-isip-isip ku pinaag̵i te kebpenumbaley ku ziyan te keniyu.

2 Kurintu 7:13

Ne tenged kayi utew key nelipey. Ne kenà duen dà taman su nelipey key zaan tenged te nelipey si Tito. Ne iyan ingkelipey ni Tito is: pinaag̵i te menge ulaula niw he meupiya ne naawà is menge samuk diyà te isip din.

Ipisu 4:5

Sevaha zà is Nengazen tew he iyan si Jesus; iyan dà sikandin edtuuwan tew; sevaha zà daan is imbewtismuwi kenitew.

2 Timoteo 1:4

Ne emun egketenuzan ku is kedtig̵is te luhè nu zutun te ked-ewai ku kenikew, utew a kenikew ebulunga ne utew a egkesuat he meked-uman ki meked-uma wey a utew melipey.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

2 Juan 1:4

Nelipey ad utew su zuen menge anak nu he edtuman te tutuu he tuluuwen sumalà is insug̵ù kenitew te Amey tew he Megbevayà.

Hudas 1:3

Minahal ku he menge suled, minsan pa te iyan aney he egkesuatan ku is ebaal a te surat he ibpeuwit ku ziyan wey ku ikeseysey ziyan te keniyu is kedlibriya kenitew te Megbevayà, iyan, utew en guntaan epiki he ebpesuratan ku sikiyu wey ku sikiyu mesembag̵i. Kinahanglan, menge suled, he pekezesen kew sukul te menge etew he edhelinen dan pezem is tutuu he tuluuwen he imbeg̵ey te Megbevayà. Haazà is tuluuwen, imbeg̵ey zin kenitew te menge g̵aked din ne kinahanglan he kenè en ed-umanan te minsan hentei.