Ruma 1:10 - Manobo Western Bukidnon

¹⁰ Layun ku sikiyu id-ampù ne edhengyuan ku sikandin he ke egkesuatan din, himuwa zin is paag̵i he mekehendiyan ad human te keniyu.

Ruma 1:10 Cross References

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 21:14

Ne hein netuenan dey en he kenà egkeeg̵ut si Pablo, mid-engkezan dey te edhangyù ne migkag̵i key te, “Berakat he iyan metuman is egkesuatan te Nengazen.”

Ruma 15:29

Ne netuenan ku he ke ebpekeuma a ziyan, utew zekelà is kedtuvazi kenitew ni Kristu pinaag̵i kayi te kebpehendiyan ku.

1 Kurintu 1:1

Siak si Pablo is midtezù te Megbevayà he epustul ni Jesu Kristu su iyan egkesuatan te Megbevayà. Siak wey si Sustinis is sevaha he suled tew pinaag̵i te kedtuu, ebpesuratan dey sikiyu is menge tumutuu te Megbevayà diyan te inged he Kurintu. Midhimu kew en he menge g̵aked te Megbevayà pinaag̵i te kegkesevaha niw ki Jesu Kristu. Mibpilì kew te Megbevayà ne tenged kayi menge zuma kew en te langun he menge etew ziyà te minsan hendei he nemeketuu te Nengazen tew he si Jesu Kristu su iyan si Jesus edlingahaan tew te langun he ed-azap kandin.

1 Kurintu 4:19

Iyan, ke edtug̵ut is Nengazen tew, meg̵aan e en edhendiyan ne zutun ed-ahaan ku ke hendei taman is kebpegalbu zan su kela ke taman dà te menge lalag is kebpegalbu zan.

Pilipus 4:6

Kenè niw ikeseeng is minsan hengkey he egkeulaula niw, kekenà, emun ed-ampù kew buyua niw ziyà te Megbevayà is egkinehenglanen niw ne emun ebuyù kew, ne kinahanglan he peselemati niw en he zaan.

1 Tiselunika 2:18

Ne tenged kayi layun dey egkeisip he edlikù key pezem diyan te Tiselunika. Siak si Pablo, layun ku egkeisip is iring dutun, iyan, mibangen key ni Setanas, umba wazè key mekelaus.

Pilimun 1:22

Ne zuen pa idhangyù ku he iyan is: endami a zaan te edhizeg̵aan ku ziyan, su zekelà is kedsarig ku he pinaag̵i te ked-ampù niw, idtug̵ut te Megbevayà he mekehendiyan a te keniyu.

Hibriyuhanen 13:19

Ne iampù a zaan keniyu wey a meg̵aan ipeulì te Megbevayà diyan te keniyu.

Santiago 4:15

Meupiya pa ke egkag̵i ki te, “Emun idtug̵ut kenita te Nengazen he kenè ki pa ebpatey, ebeelan ta is iring dutun.”