Pilipus 4:10 - Manobo Western Bukidnon

¹⁰ Utew zekelà is kelipey ku wey is kebpeselemati ku te Nengazen su nehimu en maan he ingkepeehè niw is gag̵ew niw pinaag̵i kayi te impeuwit niw kedì. Kenè ku iyan ibpesavut keniyu he wazè niw gag̵ew kedì dutun te nengehuna he timpu, kekenà, wazè niw pa zutun paag̵i wey niw ikepaahà is gag̵ew niw.

Pilipus 4:10 Cross References

2 Kurintu 11:9

Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

2 Kurintu 6:7

ibpenurù dey is tutuu he Lalag te Megbevayà ne edtevangan key te g̵ehem te Megbevayà. Pinaag̵i kayi te langun egketuusan he menge sulug̵uen key te Megbevayà. Iyan kelasag dey wey lembitan dey is metazeng he ulaula.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

Gelasya 6:6

Ne sikan is etew he ebpepenurù te Lalag te Megbevayà, kinahanglan he veg̵ayi zin is ebpenurù kandin te menge meupiya he nezawat din.

Pilipus 1:1

Surat heini ni Pablo wey ni Timoteo te menge sulug̵uen ni Jesu Kristu. Ibpeuwit heini is surat diyan te keniyu te langun he menge tumutuu ki Jesu Kristu he menge meg̵inged diyan te inged he Pilipus wey te menge ebmeg̵urangen niw wey menge diyekunu.

Pilipus 1:3

Dekelà utew is kebpeselemati ku te Megbevayà tew tenged keniyu emun egkeisip ku sikiyu.

Pilipus 2:30

su hapit sikandin ebpatey wey zin metuman is ebpeveelan kandin ni Kristu. Inserakan din is untung din wey e zin metevangi su zutun he timpu kenà a keniyu egketevangan.