Pilipus 3:21 - Manobo Western Bukidnon

²¹ Ne zutun te andew, ne edhelinen din en is memeg̵uyà he menge lawa tew ne edhimuwen din he iring te mekeg̵eg̵ehem he lawa zin. Ne kayi te kedhelina zin kenitew, egemiten din is dekelà he g̵ehem din he iyan ingkehimu zin he ebayàbayà te minsan hengkey.

Pilipus 3:21 Cross References

Mateo 17:2

Ne zutun te kedtengtengi zan ki Jesus, netik-ew mahalin is dagwey zin. Utew merayag is paras din iring te andew. Ne nengenamag is bisti zin te keputì.

Mateo 22:29

Ne midtavak kandan si Jesus te, “Nengesayep kew utew! Iyan is wazè niw mesavut sikan is ingkengesurat he menge Lalag te Megbevayà ne wazè niw zaan mesavut he mekeg̵eg̵ehem is Megbevayà te kebpemanhew te menge minatey.

Mateo 28:18

Ne mid-uvayan sikandan ni Jesus, ne ke sikandin te, “Imbeg̵ey kedì is ke g̵ehem te kebayàbayà diyà te langit wey zini te tanà.

Ruma 8:29

Su zengan te puunè pa te minsan hengkey, netuenan te Megbevayà ke hentei is egkehimu he menge anak din ne migkag̵i zin he edhimuwen din sikandan he iring te Anak din he si Jesus. Ne zutun, egkehimu si Jesus he kakey tew te utew mezakel he menge hazi zin.

Kulusas 3:4

Umba, menge suled, emun edlikù dini si Kristu he iyan puunà te veg̵u he untung ta, ibpeg̵awag̵awa is kekempet din ne ibpeg̵awag̵awa zaan dutun is kekempet te kenita he veg̵u he untung su zutun duma ki kandin.

1 Juan 3:2

Menge minahal ku he menge emig̵u, menge anak kiw en te Megbevayà ne kenè tew pa egketuenan ke hengkey is egketemanan te kegkeenaka kenitew te Megbevayà. Iyan, netuenan tew he ke edlikù si Kristu, egkehimu zutun is kenitew he zagwey he iring te kandin he zagwey su zutun egkeehè tew human is tutuu he zagwey zin.

Impezayag 1:8

Is Nengazen tew he Megbevayà he mekeg̵eg̵ehem he zaan en te wazè pa limbag̵a is minsan hengkey, iyan ded sikandin guntaan wey minsan keuzemà te wazà pidtemanan. Ke sikandin te, “Iyan a sikan is alpa wey umiga, he ke và dà egkeg̵iya, kes puunà wey egkepengkusan te minsan hengkey.”