Pilipus 2:26 - Manobo Western Bukidnon

²⁶ Umba ibpehendiyan ku su utew sikandin ebulunga keniyu ne utew inmezaat te g̵ehinawa zin is nezineg niw he tudtul he nezeruwan sikandin.

Pilipus 2:26 Cross References

Mateo 11:28

Hendini kew te kediey, sikiyu is langun he nengeveley tenged te ked-uwit te menge meveg̵at he ulaula su ibpehimeley ku sikiyu.

Mateo 26:37

Ne miduma zin si Pedro wey sikan is dezuwa he anak ni Sibidiyu. Ne zutun utew neseeng sikandin wey mibmesakit utew is gehinawa zin.

Nengeulaula 21:13

Iyan, midtavak si Pablo te, “Maan is edhimuwen niw he utew a meseeng pinaag̵i te kedsineg̵ew niw? Su emun intug̵ut en te Nengazen tew he si Jesus he iyan heeyan egkehitavù kedì, andam ad, kenà te kebpepirisu zà, kekenà, minsan te kebpehimatey ziyà te Hiruselim.”

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

Ruma 12:15

Ke zuen etew he zuen din igkelipey, melipey kew zaan tenged dutun te kelipey zin. Ne ke zuen etew he zuen igkeseeng din, keseeng kew zaan tenged dutun te igkeseeng din.

Ruma 9:2

Iyan is: utew a egkeseeng ne kenà egkeawà is kesakit te g̵ehinawa ku tenged te menge zuma ku he menge Hudiyu he kenà edtuu ki Kristu.

1 Kurintu 12:26

Ne ke egkezeruwan is sengeparti te lawa ta ne egkesekitan is tivuuk he lawa ta. Ne iring din ded daan ke ebpurungan is sengeparti ne igkezeyzey te tivuuk he lawa ta.

2 Kurintu 9:14

Ne zutun id-ampù kew zan, ne egkehimu he utew kew mahal ziyà te g̵ehinawa zan tenged te zekelà he g̵agew niw kandan he imbeg̵ey keniyu te Megbevayà.

Gelasya 6:2

Layun kew mebpetebtevangà te uman sevaha keniyu su emun ed-ul-ulahan niw heini egketuman niw is insug̵ù kenitew ni Kristu.

Ipisu 3:13

Ne tenged kayi te langun, kinahanglan, menge suled, he kenà igkeawà te kedsarig niw heini is kemereg̵enan he egkeantus ku tenged keniyu, kekenà, lipey kew su iyan ibmeupiya niw.

Pilipus 1:3

Dekelà utew is kebpeselemati ku te Megbevayà tew tenged keniyu emun egkeisip ku sikiyu.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

Pilipus 2:25

Ne elin daan kayi te isip ku he kinahanglan he ibpehendiyan ku is suled tew he si Ipepruditu, kes midsug̵ù niw pehendini wey e zin metevangi. Iyan sikandin duma ku wey timbang ku kayi te ebpeveelan kedì te Megbevayà.

Pilipus 2:27

Netigbak iyan sikandin is midaru umba kunaan ku ke ibpatey zin en, iyan, nehizuwan sikandin te Megbevayà. Ne nehizuwan a zaan te Megbevayà su ke mibpatey sikandin, neumanan en geina is menge seeng ku.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

1 Pedro 1:6

Ne tenged dutun ebpekelipey kew en minsan pa te egkeseeng kew zè pa g̵untaan tenged te mezakel he menge kemeresayan he egkeantus niw.