Pilipus 2:25 - Manobo Western Bukidnon

²⁵ Ne elin daan kayi te isip ku he kinahanglan he ibpehendiyan ku is suled tew he si Ipepruditu, kes midsug̵ù niw pehendini wey e zin metevangi. Iyan sikandin duma ku wey timbang ku kayi te ebpeveelan kedì te Megbevayà.

Pilipus 2:25 Cross References

Juan 13:16

Utew venar is egkeg̵iyen ku keniyu he is sulug̵uen, kenà lavew sikandin te egalen din, ne is sug̵ù daan, kenà sikandin lavew te midsug̵ù kandin.

Juan 17:18

Iring te midsug̵ù a kenikew zini te kelibutan, edsug̵uen ku zaan sikandan wey zan ikepesavut is tivuuk he menusiyà.

Ruma 16:3

Ipengemusta a ki Priscila wey si Ekilu. Menge timbang ku sikandan te kedtumana ku te ebpeveelan kedì ni Jesu Kristu.

Ruma 16:9

Ipengemusta a zaan ki Urbano te zuma ku he sulug̵uen ni Kristu wey si Istakis he utew ku zaan emig̵u.

1 Kurintu 3:9

Siak wey si Epulu, ebpetevangè key su telezuma key he sulug̵uen te Megbevayà. Ne sikiyu, iring kew te kamet te Megbevayà he iyan edterebehuwen dey. Iring kew zaan te ebelayan te Megbevayà.

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

Pilipus 2:26

Umba ibpehendiyan ku su utew sikandin ebulunga keniyu ne utew inmezaat te g̵ehinawa zin is nezineg niw he tudtul he nezeruwan sikandin.

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.

Pilipus 4:3

Ne sikew zaan is timbang ku ziyan, egkesuatan ku he tevangi nu heini is menge vahi wey zan heini metuman su mibpenigudu zan te kedtavang kedì te kedsengyawa ku te Meupiya he Tudtulanen. Ne elin daan si Clemente wey zuen pa menge zuma niw he midtavang kedì. Is menge ngazan dan te langun, ne nekesurat en diyà te libru te Megbevayà he zutun inlista zin is mibeg̵ayan te untung he wazè din pidtemanan.

Kulusas 1:7

Impenurù keniyu heini ni Ipapras he minahal he zuma zey he sulug̵uen ni Kristu. Metinumanen sikandin te menge sug̵ù ni Kristu pinaag̵i te kedtavang din kenami.

Kulusas 4:11

Ne elin daan ebpengemusta keniyu si Jesus he egngezanan daan ki Hustu. Heini is tetelu, si Eristarku, si Marcos wey si Hustu, ne iyan dà sikandan menge Hudiyu he zuma ku kayi te kedsengyawa ku te kedhadì te Megbevayà. Ingkelipey sikandan te g̵ehinawa ku.

1 Tiselunika 3:2

Ne zutun midsug̵ù dey ziyan si Timoteo he suled tew wey sulug̵uen daan te Megbevayà te kegkesengyawa te Meupiya he Tudtulanen mehitenged ki Kristu. Iyan insug̵ua zey kandin su wey zin meheg̵eti is kedtuu niw ne wey kew zin mesembag̵i

Pilimun 1:24

Ebpengemusta zaan keniyu ensi Marcos, si Eristarku, si Dimas, wey si Lucas. Menge timbang ku sikandan kayi te ebpeveelan te Megbevayà.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.