Pilipus 1:4 - Manobo Western Bukidnon

⁴ Ne emun id-ampù ku sikiyu utew a egkelipey

Pilipus 1:4 Cross References

Marcos 5:5

Umba, te maandew wey mezukilem, dutun sikandin edrig̵urig̵u te menge penlevengà wey menge vuntud ne edtulung ebpengulahì ne ebpemelian din is lawa zin te vatu.

Lucas 15:10

Ne migkag̵i si Jesus med-uman te, “Egkeg̵iyen ku keniyu he iring kayi is kedlipey ziyà te langit te menge velinsug̵uen te Megbevayà emun duen sevaha he mesinupaken he ed-iniyug̵an din is memezaat he ulaula zin.”

Lucas 15:7

Ne ke si Jesus te, “Egkeg̵iyen ku keniyu he iring din ded daan, utew zekelà is kelipey ziyà te langit ke zuen sevaha he mesinupaken he ed-iniyug̵an din is memezaat he ulaula zin, kenà dutun te kesiyawan wey siyew he menge etew he kunaan dan ke memetazeng is ulaula zan wey kenà kinahanglan he ed-iniyug̵an dan haazà is mezaat he ulaula zan.”

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Pilipus 2:2

Ne tenged kayi te langun edhengyuan ku sikiyu he tug̵uti niw he mepurung mesevaha is isip niw wey g̵ehinawa niw, ne heg̵eta niw is kebmahala niw ziyà te g̵ehinawa niw te menge zuma niw. Ne emun ed-ul-ulahan niw heini human egkeheg̵et is kelipey ku tenged keniyu.

Pilipus 3:18

Dengan ku zà heini layun egkeg̵iya, iyan, guntaan ed-umanan ku egkeg̵iya zuma is menge luhè ku he ebpenig̵is, tenged te mezakel he menge etew he egkeg̵iyen dan he sakup sikandan ni Kristu, iyan, egketuusan pinaag̵i te ulaula zan he kuntada sikandan te kebpesevuta mehitenged te kebpehimatey ni Kristu ziyà te krus.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

Kulusas 2:5

Su minsan te wazà a g̵untaan diyan te keniyu, layun ku sikiyu ed-isipa. Igkelipey ku sikiyu su netuenan ku he mibpurungan niw te ed-ulaula is meupiya he ulaula wey melig-en daan is kedtuu niw ki Kristu.

1 Tiselunika 1:2

Dekelà layun is kebpeselemati zey te Megbevayà tenged keniyu ne layun dey sikiyu id-ampù.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

2 Juan 1:4

Nelipey ad utew su zuen menge anak nu he edtuman te tutuu he tuluuwen sumalà is insug̵ù kenitew te Amey tew he Megbevayà.