Pilipus 1:26 - Manobo Western Bukidnon

²⁶ Ne zutun, ke ebpekelikù ad diyan te keniyu egkehimu he iyan a igkeventug̵a niw ki Jesu Kristu.

Pilipus 1:26 Cross References

Juan 16:22

Iring din ded daan, egkeseeng kew g̵untaan, iyan, dutun te kebpeked-uman tew kebpeked-aahà, utew kew zutun egkelipey, ne wazà minsan hentei he egkeawè din is kelipey niw.

Juan 16:24

Wazè niw pa mibuyù diyà te kandin ebpuun te kedtuuwi niw kediey. Buyù kew wey kew mekezawat su wey kew utew melipey.

2 Kurintu 1:14

haazà is wazè niw pa maamin mesavut mehitenged te ed-ul-ulahan dey su wey zutun te andew te kedlikù te Nengazen tew he si Jesus, mehimu he igkelipey key keniyu iring te igkelipey zey zaan sikiyu.

2 Kurintu 5:12

Heini is menge lalag ku, kenà iyan tuyù ku kayi is wey key keniyu mezelig̵i, kekenà, egkesuatan dey he metueni niw he hustu is tuyù dey su wey zuen ketezengan he igketavak niw zutun te menge etew he iyan dan ed-ahaan is paras te etew ne kenà is meupiya he ulaula zin.

2 Kurintu 7:14

Indantal ku sikiyu ziyà te ki Tito ne wazà mebperis is kedentala ku keniyu. Layun tutuu is egkeg̵iyen dey keniyu ne iring din ded daan, benar is migkag̵i ku ziyà te ki Tito mehitenged keniyu.

2 Kurintu 7:4

Utew zekelà is kedsarig ku keniyu; dekelà layun is kebpekezalig ku keniyu. Ne tenged kayi minsan pa te mezakel is menge seeng dey, meupiya g̵ihapun is g̵ehinawa ku; utew zekelà is kelipey ku tenged keniyu.

2 Kurintu 7:6

Iyan, is Megbevayà he metau he edlipey te egkengeseeng, midhimu zin he meupiya is gehinawa zey pinaag̵i te kebpekeuma ni Tito.

Gelasya 6:4

Deyzey ke ebpurungan edsusiya te uman sevaha is menge ulaula zin. Ne emun meupiya, egkehimu he ibmeupiya te g̵ehinawa zin. Iyan, kenè din isukud is menge ulaula te zuma zin te kandin he ulaula.

Pilipus 3:1

Na, menge suled, ketepusan heini he sambag ku keniyu. Lipey kew tenged te upakat niw te Nengazen. Maambe ke idsublì ku keniyu is daan he sambag ku su melemu zà heini, ne kela ke egkehimu he pinaag̵i kayi egkelig-enan is isip niw.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

Pilipus 4:10

Utew zekelà is kelipey ku wey is kebpeselemati ku te Nengazen su nehimu en maan he ingkepeehè niw is gag̵ew niw pinaag̵i kayi te impeuwit niw kedì. Kenè ku iyan ibpesavut keniyu he wazè niw gag̵ew kedì dutun te nengehuna he timpu, kekenà, wazè niw pa zutun paag̵i wey niw ikepaahà is gag̵ew niw.

Pilipus 4:4

Egkeg̵iyan ku sikiyu he sigudu kew lipey tenged te kebpekidsevaha niw te Nengazen, su meupiya ke zekelà layun is kelipey niw.