Pilipus 1:13 - Manobo Western Bukidnon

¹³ Su is langun he menge sundaru he guwardya zini te turug̵an te hadì wey is minsan hentei pa kayi, ne netuenan dan he mibpirisu a tenged dà te sulug̵uen a ni Kristu.

Pilipus 1:13 Cross References

Nengeulaula 26:29

Ne ke si Pablo te, “Sikew wey is langun he ebpemineg kedì guntaan kayi, id-ampù ku te Megbevayà he menaney se meg̵aan, himuwa kew zin he iring kedì, iyan, kenè kew mulà mepirisu!”

Nengeulaula 26:31

Ne zutun te kegenat dan mibpelelag̵è dan is egkag̵i te, “Wazà ulaula zin he zait he igkehimetayi kandin wey minsan igkepirisuwa kandin.”

Nengeulaula 28:17

Ne neketelu zutun te kebpekeuma zey mibpenenawag ni Pablo is menge egalen te menge Hudiyu he medtig̵um dan. Ne hein netig̵um dan en migkag̵i si Pablo ziyà te kandan te, “Menge suled, minsan te wazè ku pesipelahi is menge zuma tew he Hudiyu ziyà te Hiruselim ne wazà a zaan medsupak te menge vetasan he imbilinbilin kenitew te menge apù tew, mibpirisu e zan ne impalad e zan diyà te menge upisyal he Rumanu.

Nengeulaula 28:20

Umba mibpenenawag a keniyu su wey a mekepekidlalag keniyu. Su nepusasan a tenged te kedtuu ku te hadì he ibulus he ebpeebuten tew te menge Hudiyu.”

Nengeulaula 28:30

Ne seled te zezuwa pa he tuig dutun, diyà med-ubpà si Pablo te valey he mibpilitiyan din ne impepemenahik din is minsan hentei he ebpenumbaley ziyà te kandin.

Ipisu 3:1

Ne tenged kayi te langun, siak si Pablo, is pirisu tenged te kedsundan ku ki Jesu Kristu, layun ku sikiyu id-ampù diyà te Megbevayà. Umba nepirisu a su insangyew ku is Lalag te Megbevayà diyan te keniyu te kenà menge Hudiyu.

Ipisu 4:1

Ne tenged kayi te langun, siak is pirisu tenged te midtuman ku is menge sugù te Nengazen, edhengyuan ku sikiyu he g̵eina te midhimu kew te Megbevayà he menge tumutuu zin, ul-ulaha niw is ulaula he zait he ed-ul-ulahan te tumutuu.

Ipisu 6:20

Umba nehimu a he sulug̵uen te Megbevayà su wey ku ikepenudtul heini is Meupiya he Tudtulanen. Ne tenged daan kayi te kebpenudtul ku, nehimu a he pirisu. Umba, menge suled, iampù a su wey kenà a mahandek te kebpenudtul su iyan heini ketengdanan he imbeg̵ey kediey te Megbevayà.

Pilipus 1:30

Nekedreragkes kiw en is ed-antus te kemeresayan tenged te Meupiya he Tudtulanen. Ne heini is menge kemeresayan he nehitavù kediey zengan, ne kemulu g̵untaan kenè ku egkesuwey, sumalà is nezineg niw.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

Pilipus 4:22

Ne is langun he menge zuma ku he tumutuu kayi te inged, lavew en is menge suled tew he zini ed-ubpà te valey te hadì, ebpengemusta zan daan keniyu.

2 Timoteo 2:9

Ne tenged kayi te kebpenudtul ku te Meupiya he Tudtulanen midrasey a te menge kuntada te Megbevayà ne neeg̵en a te kedina he iring te mesinupaken, iyan, kenà mulà egkeeg̵en is Lalag te Megbevayà.