Pilimun 1:23 - Manobo Western Bukidnon

²³ Si Ipapras, is duma ku he pinirisu tenged te kedtuu ki Jesu Kristu, ebpengemusta keniyu.

Pilimun 1:23 Cross References

Ruma 16:7

Ipengemusta a zaan ki Andruniku wey si Hunias. Menge zuma ku sikandan he Hudiyu he mibpirisu zuma kedì. Telehuzen sikandan te menge epustul, ne nehuna sikandan neketuu ki Kristu, ne human a.

Kulusas 1:7

Impenurù keniyu heini ni Ipapras he minahal he zuma zey he sulug̵uen ni Kristu. Metinumanen sikandin te menge sug̵ù ni Kristu pinaag̵i te kedtavang din kenami.

Kulusas 4:10

Ebpengemusta keniyu si Eristarku he zuma ku he pirisu. Si Marcos, is id-ag̵ew ni Bernabe, ne ebpengemusta zaan keniyu. Gelg̵elawa niw sikandin emun ebpekeuma ziyan. Netuenan niw en is intelaan ku keniyu mehitenged kandin.

Kulusas 4:12

Ebpengemusta zaan keniyu si Ipapras. Duma niw zaan he tigKulusas he sulug̵uen ni Jesu Kristu. Layun kew zin id-ampù. Ed-ampù sikandin diyà te Megbevayà he mebmelig-en wey meheg̵et is kedtuu niw ne wey meheg̵et daan is kedtumana niw te egkesuatan te Megbevayà.

Pilimun 1:1

Minahal he emig̵u zey wey timbang dey he si Pilimun. Siak si Pablo is nepirisu tenged te kedtuu ku ki Jesu Kristu wey si Timoteo he suled tew, ebpesuratan dey sikew, wey si Epiya he etevey tew tenged te kedtuu, wey si Erkipu he zuma tew he sundaru ni Kristu wey elin daan ebpesuratan dey is menge tumutuu he ziyan edsimba te valey nu.

Pilimun 1:9

iyan, tenged te utew ka mahal zini te g̵ehinawa ku, edhangyù e zà kenikew. Siak, si Pablo, is meg̵urang wey g̵untaan pinirisu a zaan tenged te kedtuu ku ki Kristu,