Pilimun 1:13 - Manobo Western Bukidnon

¹³ Neisip ku he meupiya pezem ke iyan sikandin duma ku kayi su wey mehimu sikandin he iyan tavang nu kedì te kemulu e pa nepirisu zini tenged te kedsengyawa ku te Meupiya he Tudtulanen.

Pilimun 1:13 Cross References

1 Kurintu 16:17

Utew ad neg̵alew hein nekeuma si Istipenas, si Fortunato wey si Ekeyiku su henduen be te netembaran is utew ku kebulunga keniyu.

Ipisu 3:1

Ne tenged kayi te langun, siak si Pablo, is pirisu tenged te kedsundan ku ki Jesu Kristu, layun ku sikiyu id-ampù diyà te Megbevayà. Umba nepirisu a su insangyew ku is Lalag te Megbevayà diyan te keniyu te kenà menge Hudiyu.

Ipisu 4:1

Ne tenged kayi te langun, siak is pirisu tenged te midtuman ku is menge sugù te Nengazen, edhengyuan ku sikiyu he g̵eina te midhimu kew te Megbevayà he menge tumutuu zin, ul-ulaha niw is ulaula he zait he ed-ul-ulahan te tumutuu.

Pilipus 1:7

Hustu iyan is ked-isipa ku keniyu te iring kayi su minsan ke pinirisu a wey ke kenà a pinirisu wey ke edsangyew a te Meupiya he Tudtulanen wey ke edtevaken ku is menge kuntada te Lalag te Megbevayà, mahal kew layun dini te g̵ehinawa ku su pudu kiw ingkeg̵ag̵ew te Megbevayà.

Pilipus 2:30

su hapit sikandin ebpatey wey zin metuman is ebpeveelan kandin ni Kristu. Inserakan din is untung din wey e zin metevangi su zutun he timpu kenà a keniyu egketevangan.

Pilimun 1:1

Minahal he emig̵u zey wey timbang dey he si Pilimun. Siak si Pablo is nepirisu tenged te kedtuu ku ki Jesu Kristu wey si Timoteo he suled tew, ebpesuratan dey sikew, wey si Epiya he etevey tew tenged te kedtuu, wey si Erkipu he zuma tew he sundaru ni Kristu wey elin daan ebpesuratan dey is menge tumutuu he ziyan edsimba te valey nu.

Pilimun 1:10

edhengyuan ku sikew he peseyluwa nu si Unisimu. Tenged te kedtuu zin ki Kristu iring sikandin te tutuu en he anak ku su pinaag̵i kedì nehimu sikandin he tumutuu zini te pirisuwan.

Pilimun 1:12

Ibpeulì ku en diyan te kenikew si Unisimu he utew ku pezem minahal.