Nengeulaula 4:21 - Manobo Western Bukidnon

²¹ Iyan, impaawè ded sikandan ne mibeleuzan dan he kenà ipesangyew. Ne haazà is menge ebmeg̵urangen, wazè dan neisip he paag̵i te kedsiluti kandan su nahandek dan te menge etew. Is langun he menge etew, midalig dan is Megbevayà tenged te egkein-inuwan he nehimu,

Nengeulaula 4:21 Cross References

Mateo 15:31

Ne utew nengeinuinu is menge etew zutun te nengeehè dan. Su ebpekekag̵i en sikan is emew; ne neulian en sikan is pungkul; sikan is piang, ne ebpekehipanew en; ne sikan is nengelakap, ne ebpekeehè en. Ne midalig dan dutun is Megbevayà he edsimbahan dan te menge kevuwazan ni Israyil.

Mateo 21:46

Iyan, hein ed-isipen dan en edekepa si Jesus, kenè dan egkehimu su egkehandek dan te mezakel he menge etew su midtuu is menge etew he ebpeneuven si Jesus te Megbevayà.

Mateo 26:5

“Deyzey nasì,” ke sikandan, “ke kenè tew sikandin edekepen dutun te timpu te pista su kela ke edsinamuk is menge etew.”

Mateo 9:33

Ne mibewian heini ni Jesus, ne segugunà dutun nekekag̵i haazà is etew. Ne nengeinuinu is langun he menge etew zutun, ne ke sikandan te, “Sikitew is menge kevuwazan ni Israyil, sikan tew pa maahà is iring kayi!”

Mateo 9:8

Hein naahà heini te menge etew zutun, nengehandek dan ne midalig dan is Megbevayà tenged te mibeg̵ayan din is menusiyà te keg̵ehem he iring kayi.

Lucas 13:17

Ne haazà is tavak ni Jesus, utew ingkeeled te menge kuntada zin. Ne is duma zutun he mezakel he menge etew, utew zan nengelipey te langun he menge egkengein-inuwan he mibeelan din.

Lucas 20:19

Ne zutun, is menge menunudlù te kesug̵uan wey menge punuan te menge memumuhat te Megbevayà, nesavut dan he iyan din sikandan egkeg̵iyen dutun te sempità, ne ed-isipen dan dutun pezem edekepa si Jesus, iyan, nahandek dan te mezakel he menge etew.

Lucas 20:6

Ne emun egkeg̵iyen tew he isip dà te etew, ne egkepeukan kiw te menge etew. Ne edtulengen kiw zan te vatu wey kiw zan mehimetayi su is menge etew, edtuuwan dan he ebpeneuven si Juan te Megbevayà.”

Lucas 22:2

Ne zutun, is menge punuan he memumuhat wey is menge menunudlù te kesug̵uan, ebpengahà te paag̵i te kegkehimetayi zan ki Jesus he kenà egketuenan te mezakel he menge etew su egkehandek dan te menge etew.

Lucas 5:26

Ne is langun he menge etew zutun ne nengeherat is mata zan, ne utew zan nengeinuinu ne midalig dan is Megbevayà, ne ke sikandan te, “Heini is neehè tew g̵untaan, ne utew egkein-inuwi!”

Nengeulaula 4:17

Edewayen tew nasì sikandan he kenè dan en maan ipenurù is kedtuu te ngazan ni Jesus diyà te minsan hentei su wey kenà mekeeneb heini is ibpenurù dan diyà te menge etew.”

Nengeulaula 4:22

su kes etew he neulian, subre en he kepatan he tuig is keg̵urang din, umba nengeinuinu is menge etew.

Nengeulaula 5:13

Ne is kenà menge tumutuu, kenà edtampu kandan su egkengehandek, asal is langun he tigHiruselim, edtehuzen dan is menge tumutuu.

Nengeulaula 5:26

Ne zutun mibeyaan haazà is menge epustul zutun te kepitan wey menge pulis ne mid-uwit dan sikandan diyà te menge punuan, ne wazà bug̵ela zutun te pulis haazà is menge epustul su nahandek dan te menge etew su kela ke tulenga sikandan te vatu.

Nengeulaula 5:40

iyan, impeseled dan en maan haazà is menge epustul ne impevug̵el zan. Ne migkeg̵iyan dan haazà is menge epustul he kenè dan ipenurù is kedtuu te ngazan ni Jesus ne zutun impaawè dan.