Nengeulaula 3:8 - Manobo Western Bukidnon

⁸ Ne midtik-ew medhitindeg ne midhipanew ne miduma kandan te edseled dutun te simbahan he se mekelinglingketew ne se mekelangkadlangkad he edalig te Megbevayà.

Nengeulaula 3:8 Cross References

Lucas 18:43

Ne segugunà nekeahà haazà is lakap. Ne zutun midumazuma en sikandin ki Jesus is utew nekezalig te Megbevayà. Ne haazà is menge etew he nemekeahà dutun, ne nemekezalig dan daan te Megbevayà.

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Nengeulaula 14:10

ne midhabet is egkag̵i te, “Tulidtulid ka hitindeg!” Ne zutundutun nekehitindeg sikandin ne midhiphipanew.

Nengeulaula 19:16

Ne haazà is etew he edlelungen te mezaat he mulin-ulin, mid-urembakan din sikandan ne mibug̵el zin ne mibpemindas din is menge bisti zan. Ne tenged dutun, nengehandek dan ne nekepelag̵uy zan dutun te valey he nengelevasan wey nengepelian.

Nengeulaula 3:7

Ne zutun migewezan ni Pedro is kewanan he velad dutun te kenà ebpekehipanew ne mid-enew zin. Ne zutundutun neteg̵uan te zesen is menge paa zutun te etew.