Nengeulaula 26:11 - Manobo Western Bukidnon

¹¹ Kenè en egkepangkus is kebpesiluti ku kandan diyà te menge simbahan su ebpeg̵esen ku pezem sikandan he engkezi zan is kedtuu zan. Ne tenged te utew ku sikandan nepeuki, mid-alew ku sikandan minsan diyà te menge meziyù he inged wey ku sikandan mesiluti.

Nengeulaula 26:11 Cross References

Mateo 10:17

Andam kew su edekepen kew zan, ne ed-uwiten kew zan diyà te hukmanan, ne ebug̵elen kew zan diyà te menge simbahan dan.

Marcos 13:9

Ne sikiyu, kinahanglan he purungi niw endama is gehinawa niw, su edekepen kew te menge etew ne ed-uwiten kew zan diyà te hukmanan ne ebug̵elen kew ziyà te menge simbahan dan. Ebpekeetuvang kew te menge gubirnedur wey menge hadì tenged te kedtuu niw kediey wey niw ikewali is Meupiya he Tudtulanen diyà te kandan.

Marcos 3:28

Tentenuzi niw heini,” ke si Jesus, “he egkepesaylu pa te Megbevayà is menge etew te minsan hengkey he menge salè dan wey minsan hengkey he kedsumpalit dan kandin,

Lucas 15:17

Ne hein neug̵et dutun ne nekepurung sikandin mekeisip-isip. Ke sikandin te, ‘Langun te menge sulug̵uen te amey ku ne idsegkayè dan is egkeenen, iyan, siaken heini, ne egkeumes e en te vitil.

Lucas 21:12

Iyan, kayi te kenè pa heini egketuman ne edekepen kew te menge etew ne ebpesipelahan kew zan. Ibpeetuvang kew zan te menge punuan te menge simbahan te menge Hudiyu ne egkestiguwen kew zan. Ibpeetuvang kew zaan te menge hadì wey menge gubirnedur tenged te kedsundan niw kediey.

Lucas 6:11

Ne zutun, ne utew nengepauk haazà is menge Perisiyu wey haazà is menge menunudlù te kesug̵uan ne mibpelelelag̵è dan ke hengkey is ed-ul-ulahan dan ki Jesus.

Nengeulaula 13:45

Iyan, hein nengeahà te menge Hudiyu is mezakel he menge etew, nengesina zan engki Pablo ne midsumpalit dan is impenurù ni Pablo ne mibpenulè dan sikandin.

Nengeulaula 18:6

Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”

Nengeulaula 22:19

Ne midtavak ku is Nengazen, ke siak te, ‘Iyan, netuenan dan en he mibeyaan ku is menge tumutuu kenikew ziyà te menge simbahan ne mibpendakep ku wey mibpemug̵el ku zaan sikandan.

Nengeulaula 22:5

Is lavew he memumuhat wey is langun he ebmeg̵urangen tew, ebpeketistig̵us dan he tutuu heini is egkeg̵iyen ku keniyu su mibeg̵ayan e zan te menge surat he impeuwit dan kedì diyà te menge zuma zan he Hudiyu ziyà te inged he Demasku. Umba edhendiyà a su wey ku mezakep dutun is menge tumutuu ki Jesus su ed-uwiten ku sikandan dini te Hiruselim wey mesiluti sikandan.

Nengeulaula 9:1

Igkikinehendekè pa zutun si Seulu te menge sumusundan te Nengazen he si Jesus su ebpenhimetayan din sikandan.

Santiago 2:7

Hentei is edsumpalit te mahal he ngazan ni Jesus he iyan teg̵ig̵aked kenitew? Iyan is menge sepian.

2 Pedro 2:16

Duen kudè din he asnu he kenà pezem ebpekekag̵i, iyan, impekag̵i te Megbevayà ne indawey zin ki Belaam haazà is mezaat he ed-ul-ulahan ne tenged dutun wazà melaus ni Belaam is ketuturebungi zin.