Ne ke sikandin te, “Mekehizuhizu kew is menge tigKurasin! Mekehizuhizu kew zaan is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku heini ziyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan is ulu zan he tuus te ed-iniyug̵an dan en is memezaat he ulaula.
Nengeulaula 21:3 - Manobo Western Bukidnon3 Nekeuvey key ziyà te pulu he Sipru, iyan, midseg̵azan dey ziyà te egkeg̵ivang dey. Ne midlaus key ziyà te Sirya. Nekezunggù key ziyà te inged he Tiru su zutun idhaw-as is menge karga te barku. See the chapter |
Nengeulaula 21:3
22 Cross References
Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.
Ne mid-uman megkag̵i si Jesus te, “Mekehizuhizu kew keuzemà is menge tigKurasin! Mekehizuhizu kew zaan keuzemà is menge tigBitsayda. Su is menge egkein-inuwan he impeehè ku ziyan te inged niw te menge Hudiyu, angin ke midhimu ku haazà diyà te menge inged he Tiru wey Sidun he kenà menge Hudiyu is meg̵inged dutun, su nekekukumbalè dan en pezem te saku ne nepen-evuwan dan en is ulu zan he tuus te ed-iniyug̵an dan is memezaat he ulaula.
Ne zuen menge tumutuu he nememelag̵uy tenged te menge kebpesipelahi zutun te menge edsarig ki Jesus hein mibunù si Esteban. Ne nemekedsusuwey zan pehendiyà te tanà he Pinisi wey te pulu ziyà te zag̵at he egngezanan te Sipru wey ziyè dan daan te inged he Entiyukya. Ne mibpenudtul zan is Lalag te Megbevayà, iyan, diyè dà te menge Hudiyu.
Ne zutun he timpu nepeukan ni Hadì Hirudis is menge meg̵inged diyà te menge inged he Tiru wey Sidun. Mibpetavang dan ki Belastu he sinerig̵an ni Hirudis he edumala te turug̵an din. Ne nengetig̵um dan su edhendiyè dan te ki Hirudis su edhengyuan dan he maawà is pauk din kandan. Umba mid-ulaula zan haazà su ziyè dan dà ebpekekuwa te keuyag̵an te inged dutun te hadì.
Ne impeuwit dan kandan is surat he edhenduen te, “Sikami is menge suled niw he epustul wey ebmeg̵urangen te menge tumutuu he menge Hudiyu kayi, ebpengemusta key keniyu te langun he kenà menge Hudiyu he menge suled dey te kedtuu ziyan te inged he Entiyukya wey ziyan te menge prubinsya he Sirya wey Silisya.
Ne si Pablo, malù pa netegteg̵aad is ked-ubpè din dutun te Kurintu zuma te menge tumutuu ne human medlaus. Miduma zin si Ekilu wey si Priscila ne migenat dan. Ne zuen dutun impenaad ni Pablo ziyà te Megbevayà. Ne hein nekeuma zan diyà te inged he Singkriya, mibpaalut si Pablo he iyan tuus te midtuman din en. Ne mid-untud dan te barku he edhendiyà te prubinsya he Sirya.
Advertisements