Nengeulaula 19:2 - Manobo Western Bukidnon

² Ne mid-insaan din sikandan te, “Hein neketuu kew ki Jesus mid-ulinan kew ve te Wag̵as he Mulin-ulin?” Ne midtavak dan te, “Wazà. Sikan dey pa mezineg he zuen Wag̵as he Mulin-ulin.”

Nengeulaula 19:2 Cross References

Juan 7:39

(Is wahig he ebpekeveg̵ey te untung he migkag̵i ni Jesus iyan is Wag̵as he Mulin-ulin. Egkezawat heini te minsan hentei he edtuu ki Jesus, asal zutun he timpu wazè pa iveg̵ey is Wag̵as he Mulin-ulin su wazè pa si Jesus med-ulì diyà te langit.)

Nengeulaula 10:44

Ne te kemulu pa egkag̵i si Pedro zutun, mibulusan te Wag̵as he Mulin-ulin is langun he etew he ebpemineg dutun.

Nengeulaula 19:5

Ne hein nezineg dan haazà is lalag ni Pablo, mibpemebewtismu sikandan wey metueni he zuen dan upakat te Nengazen tew he si Jesus.

Nengeulaula 2:17

‘Migkag̵i is Megbevayà te, “Keuzemà te ketepusan he timpu, sikiyu is tivuuk he menusiyà, ibpelumun ku keniyu is Wag̵as he Mulin-ulin. Ne zutun ebpeneuven is menge anak niw he maama wey is anak niw he vahi ne ibpesavut dan te menge etew is lalag ku. Duen menge menguhed he ebpuwasan ku is id-ehè dan wey zan maahà is kenà egkeahà te zuma. Ne zuen menge meg̵urang he edhimuwen ku he menge meneneg̵einep.

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

1 Kurintu 6:19

Siguradu netuenan niw he is lawa niw, ne iyan ed-ubpaan te Wag̵as he Mulin-ulin he imbeg̵ey keniyu te Megbevayà. Kenè ki en maan teg̵ig̵aked te lawa ta, kekenà,

Gelasya 3:5

Is Megbevayà, hein imbeg̵ey zin keniyu is Wag̵as he Mulin-ulin ne impeehè din diyan te keniyu is menge egkein-inuwan, wazè din iyan iveeli zutun is tenged te edtumanen niw is kesug̵uan, kekenà, tenged dà te nezineg niw ne midtuuwan niw is Meupiya he Tudtulanen.