Nengeulaula 1:7 - Manobo Western Bukidnon

⁷ Ne midtavak si Jesus te, “Iyan dà is Amey tew he Megbevayà duen din keg̵ehem te kegketau ke keenu he timpu egketuman is ebeelan din, ne wazà itug̵ut keniyu is kegketueni kayi.

Nengeulaula 1:7 Cross References

Mateo 20:23

Ne ke si Jesus te, “Benar iyan he ibpaantus keniyu is iring te ibpaantus kedì, iyan, kenà a iyan ebpilì ke hentei is ibpepinuu ziyà te zapit te egkekewanan ku wey ziyà te zapit te egkeg̵ivang ku, su iyan dà ebpekepinuu zutun sikan is etew he midteg̵enahan te Amey ku he Megbevayà.”

Mateo 24:36

Is Amey tew he Megbevayà, iyan dà nesayud ke keenu egketuman heini is langun. Ne g̵awas kandin wazè en nesayud te andew wey uras ke keenu heini egkehitavù. Is menge velinsug̵uen te Megbevayà diyà te langit, wazè dan mesayud, wey minsan siak is Anak te Megbevayà, wazà a zaan mesayud.

Marcos 10:40

iyan, kenà a iyan ebpilì ke hentei is ibpepinuu ziyà te zapit te egkekewanan ku wey ziyà te zapit te egkeg̵ivang ku su iyan dà ebpekepinuu zutun is etew he midteg̵enahan te Amey ku he Megbevayà.”

Marcos 13:32

Is Amey tew he Megbevayà, iyan dà nesayud ke keenu egketuman heini is langun. Ne g̵awas kandin wazè en nesayud te andew wey uras ke keenu heini egkehitavù. Is menge velinsug̵uen te Megbevayà diyà te langit, wazè dan mesayud wey minsan siak is Anak te Megbevayà, wazà a zaan mesayud.

Lucas 21:24

Su heini is menge Hudiyu, is duma kandan, ne egkepatey zutun te g̵ira, ne is samà, ne edekepen ne ed-uwiten diyà te menge meziyù he inged. Ne zutun, heini is Hiruselim he inged te menge Hudiyu, ne edtekutakan te menge etew he kenà menge Hudiyu taman te ebpengelinteuwan te Megbevayà he mekeengked dan.

Nengeulaula 17:26

Ne te sebsevaha zà he kepuun mibeelan din is langun he kelasi te etew ne in-eneb din sikandan kayi te tivuuk he kelibutan. Ne midtukud din he zaan is egketemanan te ed-ubpaan tew te menusiyà wey is timpu te ked-ubpè tew kayi.

Ipisu 1:10

edhimuwen din heini zutun te hustu he timpu. Su mid-isip te Megbevayà he zutun edhimuwen din he sebsevaha zà si Kristu he ebayàbayà te minsan hengkey he linimbag diyà te langit wey zini te tanà.

1 Timoteo 6:15

Ibpelikù si Jesus te Megbevayà ke egketuman en is hustu he timpu. Iyan dà ebayàbayà te langun is Megbevayà. Iyan sikandin kes meupiya is kebpekesavuk din. Iyan sikandin ebayàbayà te minsan hentei he hadì wey zatù.

2 Timoteo 3:1

Kinahanglan he sevuta nu he timpu te kemereg̵enan haazà is ketepusan he timpu keuzemà te kenè pa edlimasen is menusiyà.