Nengeulaula 1:6 - Manobo Western Bukidnon

⁶ Ne zuen timpu he nengetig̵um dan en maan. Ne mid-insaan dan si Jesus, ke sikandan te, “Nengazen, iyan en be heini sikan is timpu te kedtevangi nu kenami te menge kevuwazan ni Israyil su wey iulì dini te kenami he inged he Israyil kes daan he keg̵ehem dey he edhedian key te keugelingen dey he hadì?”

Nengeulaula 1:6 Cross References

Mateo 17:11

Ne zutun midtavak si Jesus te, “Tutuu iyan he egkehuna ebpekeuma si Elias su ed-endamen din is langun.

Mateo 20:21

Ne mid-insaan ni Jesus te, “Hengkey is egkesuatan nu?” Ne midtavak haazà is bahi te, “Heini is dezuwa he anak ku he sumusundan nu, egkesuatan ku he, keuzemà ke ebpinuu ke en diyà te pinuuwè nu te kedhadì, ibpepinuu nu zaan sikandan, is sevaha ziyà dapit te egkekewanan nu, ne is sevaha, diyà dapit te egkeg̵ivang nu.”

Mateo 24:3

Ne netegteg̵aad dutun mibpinuu si Jesus diyà te vuvungan he egngezanan te Ulivuwan. Ne mid-uvayan en maan sikandin te menge sumusundan din te wazè dan duma su iyan dan dà. Ne ke sikandan te, “Keg̵iyi key ke keenu egkehitavù heini is langun, wey ke hengkey is egkeulaula he tuus wey zey metueni he iyan en kedlikù nu wey kegketapus kayi te timpu?”

Marcos 9:12

Ne midtavak si Jesus te, “Tutuu iyan he edhuna ebpekeuma si Elias su ed-endamen din is langun, iyan, maan is netagnà dengan dutun te ingkesurat he Lalag te Megbevayà he siak is Kakey te Menusiyà, mezakel is memerasey he egkeantus ku ne edsumpeliten a.

Lucas 17:20

Sengeandew zutun ne zuen menge Perisiyu he mid-insà ki Jesus te, “Keenu egketuman is egkeg̵iyen nu he kedhedii te Megbevayà te menusiyà?” Ne midtavak si Jesus te, “Kenà egkeahà te etew is kegketuman din

Lucas 19:11

Ne haazà is menge etew he nemekezineg dutun te menge lalag ni Jesus, impezineg din pa kandan is sempità. Uvey zan en te inged he Hiruselim ne tenged dutun kunaan te menge etew ke ebpuunè en si Jesus edhadì.

Lucas 22:29

Mibeg̵ayan a te Amey ku he Megbevayà te ketenged te kedhadì keuzemà. Ne iring din ded daan ne ebeg̵ayan ku zaan sikiyu te ketenged te kedhadì.

Juan 21:21

Ne hein naahà ni Pedro haazà he sumusundan, migkag̵i ziyà te ki Jesus te, “Haazà is duma ta, hengkey is egkeulaula kandin keuzemà?”