Mateo 9:4 - Manobo Western Bukidnon

⁴ Ne nesavut ni Jesus is diyà te isip dan ne migkeg̵iyan din sikandan te, “Maan is ed-isip kew te mezaat he iring keniyan?

Mateo 9:4 Cross References

Mateo 12:25

Iyan, nesavut ni Jesus is diyà te isip dan, ne ke sikandin diyà te kandan te, “Ke zuen hadì, ne ebpetebtebekà is menge sakup din, meg̵aan egkeawà is gehem din te kedhadì. Ne ke zuen edlingahaan te sengevelayan ne emun kenà ne sengezetuan, ne ebpekungkuntedahà haazà is menge sakup dutun ne egkevengkag haazà is edetuan din.

Marcos 12:15

Ne netuenan ni Jesus he akal haazà is netag̵ù diyà te g̵ehinawa zan, ne ke sikandin te, “Maan is egezaman a keniyu? Ipeehè niw kediey ke memenumenu is selapì he ibayad niw te vuhis diyà te hadì he ziyà te Ruma.”

Marcos 2:8

Ne zutun nesavut ni Jesus he iyan haazà diyà te isip dan ne ke sikandin diyà te kandan te, “Maan is egkeisip niw is iring keniyan?

Lucas 11:17

Iyan, netuenan ni Jesus ke hengkey is seled te g̵ehinawa zan ne migkag̵i sikandin te, “Penenglitan ke zuen hadì ne ebpetebtebekà is menge sakup din ne meg̵aan egkeawà is gehem din te kedhadì. Ne ke zuen edlingahaan te sengepemilya ne ebpekungkuntedahà is menge sakup din, ne egkevengkag haazà is pemilya.

Lucas 5:22

Ne nesavut ni Jesus is diyà te isip dan ne migkeg̵iyan din sikandan te, “Maan is egkeisip niw is iring keniyan?

Lucas 6:8

Ne si Jesus, netuenan din ke hengkey is netag̵ù diyà te isip dan ne migkeg̵iyan din haazà is etew he nezeetan is belad din te, “Mama, hitindeg ka ne uvey ka zini.” Ne midhitindeg haazà is etew ne mid-uvey ziyà te ki Jesus.

Lucas 7:40

Ne zutun impezineg ni Jesus dutun te Perisiyu heini is lalag, ke sikandin te, “He Simon, duen egkeg̵iyen ku kenikew.” Ne ke si Simon te, “Hengkey?”

Juan 16:19

Ne netuenan ni Jesus he zuen egkesuatan dan he id-insà kandin umba migkag̵i sikandin te, “Iyan buwa id-insè niw ke hengkey is ibpesavut ku te migkag̵i ku g̵eina he nesipeg̵an en is timpu he kenà ad keniyu egkeahà, ne kenà daan utew egkeug̵et dutun ne egkeahà ad maan keniyu.

Juan 16:30

Nesavut dey en he netuenan nu is langun su minsan is id-insà kenikew, kenè en kinahanglan he egkeg̵iyen pa su netuenan nu en he zaan, umba edtuuwan dey en he sikew, diyà ka ebpuun te Megbevayà.”

Juan 21:17

Ne mid-uman megkag̵i si Jesus te iketelu te, “Simon, anak ni Juan, mahal e ve utew ziyan te g̵ehinawa nu?” Ne mibmesakit is gehinawa ni Pedro zutun te iketelu he ked-ul-uliti ni Jesus te, “Mahal e ve utew ziyan te g̵ehinawa nu?” Ne midtavak si Pedro te, “Netuenan nu is langun; netuenan nu he mahal ka zini te g̵ehinawa ku.” Ne migkeg̵iyan sikandin ni Jesus te, “Semaki nu is menge kerehidu ku.

Juan 6:61

Ne netuenan ni Jesus he zuen menge sumusundan din he neepes te impenurù din, ne ke sikandin diyà te kandan te, “Igkeepes niw ve heini is migkag̵i ku?

Juan 6:64

Duen duma keniyu he wazà medtuu kediey,” ke si Jesus. (Umba migkag̵i zin haazà su netuenan din he zaan ke hentei is wazà medtuu, ne netuenan din daan ke hentei is ed-akal kandin.)

Nengeulaula 5:9

Ne migkag̵i en maan si Pedro te, “Maan is mid-uyunan niw he ebpenggezaman niw is Wag̵as he Mulin-ulin? Ebpekeume en maan kes menge maama he midleveng te esawa nu. Ne ed-uwiten ke zan daan su idleveng ka.”

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.