Mateo 9:3 - Manobo Western Bukidnon

³ Ne zuen dutun menge menunudlù te kesug̵uan; ne te kegkezineg̵a zan dutun, neisip dan he utew zekelà is supak ni Jesus te Megbevayà.

Mateo 9:3 Cross References

Mateo 26:65

Ne haazà is lavew he memumuhat, mibpemindas din is kumbalè din he tuus te utew sikandin nepauk dutun te migkag̵i ni Jesus, ne ke sikandin te, “Uvag en kun Anak te Megbevayà! Nekesupak en heini te Megbevayà! Wazè en kinahanglan he zuen pa tistig̵us su sikiyu is langun, nezineg niw en heini is menge lalag din he utew supak te Megbevayà!

Mateo 7:29

su is kebpenurù din, kenà iring te kebpenurù te menge menunudlù te kesug̵uan su zuen gehem mulà te penurù din.

Marcos 14:64

nezineg niw en is menge lalag din he utew supak te Megbevayà. Hengkey is hukum niw?” Ne zutun migkag̵i is langun he menge zuma zin te zekelà is salà ni Jesus ne kinahanglan he edhimetayan.

Marcos 3:28

Tentenuzi niw heini,” ke si Jesus, “he egkepesaylu pa te Megbevayà is menge etew te minsan hengkey he menge salè dan wey minsan hengkey he kedsumpalit dan kandin,

Marcos 3:29

iyan, sikan is edsumpalit te Wag̵as he Mulin-ulin, kenè en egkeawà diyà te kandin haazà is salè din ne kenè en egkepesaylu te minsan keenu.”

Lucas 5:21

Ne zutun, is menge Perisiyu wey is menge menunudlù te kesug̵uan, neisip dan diyà te g̵ehinawa zan is: “Hentei heini he etew is edsupak te Megbevayà? Megbevayà sikandin uvag su hentei is ebpekepesaylu te menge salà, kekenà, iyan dà is Megbevayà.”