Mateo 9:2 - Manobo Western Bukidnon

² Ne nemekeuma is menge etew he ed-uwit diyà te ki Jesus te minatey is divaluy he lawa zin he ziyà ipehizeg̵à te zuyanà he ebintingen. Hein nesavut ni Jesus he zekelà is kedsarig dan kandin, migkeg̵iyan din haazà is minatey is divaluy he lawa te, “Mama, mebmeupiya is gehinawa nu, su nepesaylu en is menge salè nu.”

Mateo 9:2 Cross References

Mateo 14:27

Ne zutun migkag̵i si Jesus diyà te kandan, “Sarig kew,” ke sikandin, “kenè kew mahandek su iyan a.”

Mateo 4:24

Ne nevantug si Jesus diyà te tivuuk he nasyun he Sirya. Ne tenged kayi mibpen-uwit dan diyà te kandin is langun he egkengezeruwan wey is egkengesekitan te ebarangbarang en he egezamen, iring te menge edlelungen te mezaat he mulin-ulin, menge ebevuyen, wey menge etew he minatey is divaluy he lawa, ne nengeulian ni Jesus heini is langun.

Mateo 6:12

peseyluwa key te menge salè dey iring te nekepesaylu key te nekesalà kenami.

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Mateo 8:16

Ne hein mahapun dutun duen nemenelavuk ki Jesus he mezakel he menge etew he ebpen-uwit te mezakel he ebpenlelungen te menge mezaat he mulin-ulin. Ne mibpemewian ni Jesus sikandan pinaag̵i zà te lalag din ne nengeulian en sikandan. Ne mibpemewian din daan is langun he nengezeruwan ne nengeulian.

Mateo 9:22

Ne midlingì si Jesus ne neehè din haazà is bahi ne ke sikandin te, “Bayi, kenè ka mahandek; su umba neulian ka te zaru nu su midsarig ka kedì.” Ne zutundutun neulian haazà is bahi.

Mateo 9:5

Hendei zapit is egkehimu te etew zà duen, iyan be is kebpesaylu te salè din wey ke iyan is kegkeulii kandin?

Mateo 9:6

Pinaag̵i te kebewii ku g̵untaan kayi te etew, ibpeehè ku keniyu he siak is Kakey te Menusiyà, duen ku keg̵ehem dini te lumpad te kebpesaylu te salà.” Ne zutun migkeg̵iyan din haazà is etew he minatey is divaluy he lawa te, “Sikew, Mama, enew ka; kuwaa nu heeyan is duyanè nu ne ulì ka.”

Marcos 1:32

Ne hein edsanlep en is andew zutun, is langun he egkengezeruwan wey is ebpenlelungen te mezaat he mulin-ulin, mibpen-uwit sikandan te menge etew ziyà te ki Jesus.

Marcos 10:49

Ne zutun te kegkezineg̵a ni Jesus kayi te ebpengumew, midteren sikandin ne migkag̵i te, “Ipehendini niw heeyan is etew.” Ne zutun migkeg̵iyan te menge etew haazà is lakap te, “Na, hitindeg kad su ibpehendiyè ke zin.”

Marcos 5:34

Ne zutun, migkag̵i si Jesus te, “Bayi, umba neulian ka te zaru nu su midsarig ka kedì. Ulì ke en ne mebmelinawen is kebpekesavuk nu ne kenè ke en maan mezeruwi.”

Marcos 6:50

su pudu zan is nemekeahà kandin, utew nengehandek. Ne zutun migkag̵i ziyà te kandan si Jesus te, “Sarig kew; kenè kew mahandek su iyan a heini,” ke sikandin.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Juan 2:25

Ne minsan te wazà edtazem kandin ke hengkey is neseled te g̵ehinawa te menge etew netuenan din en su nesayud sikandin he zaan ke hengkey is gehinawa te menusiyà.

Juan 21:5

Ne migkag̵i ziyà te kandan si Jesus te, “He menge suled, duen be neutel niw?” Ne midtavak dan te, “Wazà.”

Nengeulaula 14:9

Ne mibpemineg din is menge lalag ni Pablo. Ne zutun netuenan ni Pablo he zuen kedtuu zutun te etew su wey meulii. Ne midtengtengan sikandin ni Pablo

Nengeulaula 19:12

Su minsan penuwilu zà wey ke tualya he neg̵amit din, ed-uwiten dan diyà te menge egkengezeruwan wey edlelungen te mezaat he mulin-ulin ne egkengeulian sikandan.

Nengeulaula 23:11

Ne zutun te kebmezukilem din, mibpaahà ki Pablo is Nengazen tew he si Jesus ne migkag̵i te, “Sarig ke zà su iring te impenudtul nu is kedtuu nu kedì dini te Hiruselim, kinahanglan daan he ibpenudtul nu ziyà te inged he Ruma.”

Ruma 5:11

Ne kenà duen dà taman su utew zekelà is kelipey ta tenged te g̵ag̵ew kenita te Megbevayà he impeehè din pinaag̵i te Nengazen tew he si Jesu Kristu, ne pinaag̵i zaan kandin nehimu ki en he emig̵u te Megbevayà.

Santiago 2:18

Ne ke zuen egkag̵i te, “Edtuu zà is sevaha te Megbevayà wey melibri sikandin te silut ne is duma, ne ed-ulaula te meupiya wey sikandin melibri, ne pudu hustu.” Iyan, iyan tavak ku zutun te zezuwa is: kinahanglan he edtuu ki, iyan, kenà egkehimu he tutuu is kedtuu ta te Megbevayà ke kenà egketuusan haazà is kedtuu ta pinaag̵i te menge ulaula ta he meupiya. Kinahanglan he ibpeehè ta is kedtuu ta pinaag̵i te menge ulaula ta.