Mateo 8:9 - Manobo Western Bukidnon

⁹ Netuenan ku heini su iring te zuen ebayàbayà kedì, ne zuen daan menge sundaru he ebeyveyaan ku. Ne edsug̵uen ku is sevaha he medhipanew ne edhipanew en. Ne edtewag̵en ku is sevaha he medhendini ne edhendini en; ne edsug̵uen ku zaan is sulug̵uen ku ke zuen ebpeveelan ku ne ebeelan din en. Ne iring din ded daan diyan te kenikew su is egkeg̵iyen nu ne egkehimu en.”

Mateo 8:9 Cross References

Mateo 8:10

Ne te nezineg ni Jesus heini, ne utew neinuinu ne ke sikandin diyà te menge etew he nemenduma kandin te, “Wazè ku pa meuma is etew he kevuwazan ni Israyil he iring kayi he utew mezesen is kedtuu zin.

Mateo 8:8

Ne midtavak haazà is kepitan te, “Kenà, Datù, su,” ke sikandin, “tenged te lavew ka kedì, kenà a zait he ebig̵atbig̵at pa maan kenikew he edhendiyà te valey ku. Utew ka mekeg̵eg̵ehem ne minsan ke egkag̵i ke zà te, ‘Meulii sikandin,’ ne egkeulian en is sulug̵uen ku.

Marcos 1:27

Ne utew nengeinuinu is langun he menge etew zutun, ne tenged dutun mibpelelelag̵è dan te, “Hengkey vuwa heini? Kela ke veg̵u en heini he tuluuwen su maan is utew sikandin mekeg̵eg̵ehem te kebayàbayà te minsan menge mezaat he mulin-ulin, ne ebpemineg kandin.”

Lucas 4:39

Ne mid-uvayan ni Jesus haazà, ne mibpengelinteuwan din he maawà haazà is dateng din. Ne zutundutun neulian haazà is bahi. Ne zutun mid-enew ne midsuba sikandin te ibpekaan din engki Jesus.

Lucas 7:8

Netuenan ku heini su iring te zuen ebayàbayà kedì ne zuen daan menge sundaru he ebeyveyaan ku. Ne edsug̵uen ku is sevaha he medhipanew ne edhipanew en. Ne edtewag̵en ku is sevaha pa he medhendini ne edhendini en. Ne edsug̵uen ku zaan is sulug̵uen ku ke zuen ebpeveelan ku ne ebeelan din. Ne iring din ded daan diyan te kenikew su is egkeg̵iyen nu ne egkehimu en.”

Lucas 9:1

Ne midtig̵um ni Jesus sikan is sepulù wey zezuwa he menge sumusundan din. Ne kada sevaha kandan, mibeg̵ayan din te g̵ehem su wey zan mevewii is egkengezeruwan wey ikepemeg̵uwè is menge mezaat he mulin-ulin.

Kulusas 3:22

Ne sikiyu is sulug̵uen, layun niw pemineg̵a is sug̵ù te egalen niw te minsan keenu he timpu, ne kenà dutun dà te timpu he ebentayan kew zin. Ne kenè niw iyan dà ibpemineg̵a kandin su wey meupiya is isip din keniyu, kekenà, kinahanglan he iyan ketezengan ke maan is ebpurungan niw is baal niw su g̵eina te zekelà is kedtahud niw te Nengazen tew.

Tito 2:9

Penurua nu is menge tumutuu he sulug̵uen he pemineg̵a zan is sug̵ù te menge egalen dan su wey ikesuat te menge egalen is menge vaal zan. Kinahanglan he kenè dan medsukul,