Mateo 7:7 - Manobo Western Bukidnon

⁷ Penigudu kew vuyù diyà te Megbevayà ne ebeg̵ayan kew zin; penigudu kew pen-ahà ne ibpeturedu zin keniyu is ebpen-ahaan niw. Penigudu kew penelehuzan ne ebpuwasan kew zin.

Mateo 7:7 Cross References

Mateo 18:19

Ne heini zaan is ibpesavut ku keniyu: ke zuen minsan hengkey he ebuyuen niw ziyà te Megbevayà he neuyunan te minsan dezuwa zà keniyu zini te tanà, ibeg̵ey heini keniyu te Amey ku he Megbevayà he ziyà te langit.

Mateo 21:22

Emun edsarig kew te Megbevayà, ke ed-ampù kew, egkezawat niw is ebuyuen niw.”

Mateo 6:33

Iyan, sikiyu mulà, kinahanglan he iyan mahal ziyà te g̵ehinawa niw is kebpahadì niw kandin wey is metazeng he ulaula he ebpeveelan din keniyu ne zutun ibeg̵ey zin keniyu is langun he egkinehenglanen niw.

Mateo 7:11

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà meupiya is ibeg̵ey zin diyà te minsan hentei keniyu ke ebuyù ziyà te kandin.

Mateo 7:8

Su is langun he ebuyù diyà te Megbevayà ebpekezawat. Ne sikan is ebpen-ahà, ebpeketuredu; ne sikan is ebpenelehuzan, ne ebpuwasan daan te Megbevayà.

Marcos 11:24

Umba, egkeg̵iyan ku sikiyu he minsan hengkey is ebuyuen niw ziyà te Megbevayà, heg̵eta niw ziyà te g̵ehinawa niw he kenè en ebperis, ne egkezawat niw haazà is ebuyuen niw.

Lucas 13:25

Su edlekevan te teg̵ivaley haazà is gemawan. Ne emun diyè kew pa te g̵awas ebpenelehuzan kew is egkag̵i te, ‘Puwasi key kenikew!’ Ne iyan dà idtavak dutun te teg̵ig̵aked is, ‘Kenè ku egketuenan ke hentei kew wey ke hendei kew ebpuun.’

Lucas 18:1

Ne zuen en maan sempità he impezineg ni Jesus te menge sumusundan din. Ibpesavut din kandan dutun he kinahanglan he kenè dan bungasa te layun ked-ampù ne kenà daan med-engked he edsarig te Megbevayà.

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 15:7

Ne sikiyu, emun kenè kew edsuwey kedì ne edhemenan niw is menge penurù ku, is minsan hengkey he ebuyuen niw kediey, ibeg̵ey ku keniyu.

Juan 4:10

Ne zutun midtavak si Jesus te, “Bayi, angin ke netuenan nu is ibeg̵ey kenikew te Megbevayà wey ke hentei a is ebuyù te wahig su ebpekevuyù ka pezem dini te kediey te wahig ne egkeveg̵ayan ka te wahig he ebpekeveg̵ey te untung he wazà pidtemanan.”

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

Ruma 3:11

Wazà mesayud te hustu mehitenged te Megbevayà ne wazà daan etew he ebpen-ahà te hustu he ibayà pehendiyà te Megbevayà.

Hibriyuhanen 11:6

Is etew he wazè din kedtuu te Megbevayà, kenà egkehimu he egkesuatan te Megbevayà is menge ulaula zin. Su is etew he ebpetavang te Megbevayà, kinahanglan he edtuuwen din he zuen Megbevayà, ne kinahanglan daan he edtuuwen din he edtuvazan te Megbevayà te meupiya is minsan hentei he edhag̵ù he ebpen-ahà te paag̵i wey sikandin mekepekid-emig̵u te Megbevayà.

Santiago 5:15

Is ked-ampù dan, emun hustu is kedsarig dan te Megbevayà, ne iyan igkeulii te egkezeruwan su ebewian sikandin te Nengazen, ne egkepesaylu sikandin te menge salè din.

1 Juan 3:22

Ibeg̵ey zin kenita is ebuyuen ta su edtumanen ta is menge sug̵ù din wey ed-ul-ulahan ta is egkesuatan din.