Mateo 5:3 - Manobo Western Bukidnon

³ Ne ke sikandin te, “Utew zeyzey is nengesayud he kenà sikandan ebpekeulaula te meupiya ke kenà sikandan edtevangan te Megbevayà su iyan sikandan egkehedian te Megbevayà.

Mateo 5:3 Cross References

Mateo 11:25

Ne zutun mid-ampù si Jesus he egkag̵i te, “Amey ku he Nengazen te langit wey tanà, dekelà is kebpeselemati ku kenikew su is in-eles nu wey kenà mesavut te menge uluwanen wey uvag en memetau, impesavut nu en diyà te menge etew he wazè dan menge hanew.

Mateo 13:16

Ne mid-uman megkag̵i si Jesus te, “Iyan, sikiyu mulà, dekelà utew is kelipey niw su metau kew ed-ahà wey metau kew ebpemineg.

Mateo 19:14

Iyan, migkag̵i si Jesus dutun te, “Ipehendini niw te kediey heeyan is menge vatà; ne kenè niw zewaya su is etew he zuen din kedsarig he iring te kedsarig te vatà ne iyan ebpekepahadì te Megbevayà.”

Mateo 24:46

Emun ed-ulì haazà is egalen din, utew zekelà is kelipey zutun te sulug̵uen ke egkeahà te egalen din he midtuman din en is langun he ebpeveelan kandin.

Mateo 25:34

Ne zutun, siak is hadì, ekeg̵iyan ku is menge etew ziyà te zapit te egkekewanan ku te, ‘Sikiyu is midtuvazan te Amey ku he Megbevayà, kayi kew su iyan kew edhedian ku. Su is kedhadì ku keniyu, integ̵ana en dengan puun pa te kedlimbag̵a te kelibutan.

Mateo 3:2

Ke sikandin te, “Iniyug̵i niw is memezaat he ulaula su meg̵aan en edhadì kenitew is Megbevayà he ziyà te langit.”

Mateo 8:11

Ne kenè niw lipati heini is egkeg̵iyen ku he mezakel he etew he kenà menge Hudiyu he ziyà ebpemuun te meziyù, diyà te zapit te edsilaan wey ziyà te zapit te edsenlepan, ne ebpekidtug̵en dan keuzemà ki Abraham wey ki Isaak wey ki Hakub diyà te ginhedian te Megbevayà.

Marcos 10:14

Ne hein netuenan ni Jesus haazà is mid-ulaula te menge sumusundan din, wazè din ikesuat, ne ke sikandin diyà te kandan te, “Ipehendini niw te kediey heeyan is menge vatà ne kenè niw zewaya su is etew he zuen din kedsarig he iring te kedsarig te vatà ne iyan ebpekepahadì te Megbevayà.

Lucas 11:28

Iyan, midtavak si Jesus te, “Lavew pa he zekelà is kelipey te etew he ebpemineg te Lalag te Megbevayà ne ebpezumdumahan din!”

Lucas 18:14

Ne ke si Jesus dutun te, “Benar is egkeg̵iyen ku he haazà is menunukut te vuhis, hein mid-ulì diyà te valey zin ne wazè en isipa te Megbevayà is salè din su nepesaylu en. Iyan, kenà iring dutun haazà is gelbuwen he Perisiyu su is etew he kunaan din ke utew lavew sikandin diyà te etuvangan te Megbevayà, ne ebminusen sikandin te Megbevayà, iyan, is etew he netuenan din he utew sikandin mekesesalà, ne ibpelavew sikandin te Megbevayà.”

Lucas 22:29

Mibeg̵ayan a te Amey ku he Megbevayà te ketenged te kedhadì keuzemà. Ne iring din ded daan ne ebeg̵ayan ku zaan sikiyu te ketenged te kedhadì.

Lucas 22:30

Keuzemà ke edhadì a ne ebpinuu kew zuma kedì su ebpetugtug̵enè kiw is egkaan wey ed-inum. Ne ibpehadì ku sikiyu te menge kevuwazan duen te sepulù wey zezuwa he menge anak ni Israyil.”

Lucas 4:18

“Mid-ulinan a te Wag̵as he Mulin-ulin he ebpuun te Megbevayà. Ne mibpilì a te Nengazen su wey ku ikepesavut te menge egkengeayuayu is Meupiya he Tudtulanen. Ne mibpeveyaan din kedì is menge etew wey ku sikandan metudtuli he egkengevelukasan is nengevihag ni Setanas, ne egkengeulian is nengelakap wey zan mekeahà ne egketevangan is egkengereg̵enan.

Juan 20:29

Ne migkag̵i kandin si Jesus te, “Midtuu ke ve tenged dà te naahà a kenikew? Utew zeyzey sikandan is minsan wazà kedì mekeahà, iyan, edtuuwan e zan.”

Santiago 1:10

Kinahanglan he mebmelipayen daan is sepian he tumutuu emun ibpekevavà sikandin te Megbevayà; su is sepian, egkeawà daan sikandin keuzemà iring te kevukad te sagbet.

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

Santiago 2:5

Pemineg̵a niw, menge minahal ku he suled, is ibpesavut ku keniyu. Duen mibpilì te Megbevayà he egkengeayuayu. Ne minsan deisek is ketig̵eyunan dan midhimu te Megbevayà he zekelà mulà is kedsarig dan kandin ne iyan sikandan edtuvazan din pinaag̵i te kedhadì din sumalà is penaad din diyà te langun he ebmahalen dan sikandin diyà te g̵ehinawa zan.

Impezayag 19:9

Ne migkeg̵iyan a zutun te velinsug̵uen, ke sikandin te, “Isurat nu heini: Utew zeyzey is langun he ibpemetelavuk dutun te eseweey te nati he kerehidu.” Ne impelaus din haazà is lalag din te, “Iyan heini tutuu he menge Lalag te Megbevayà!”

Impezayag 22:14

Utew egkengelipey haazà is langun he ebpìpian dan is ugelingen dan, he ke và dà egkeg̵iya, ibpepalis dan is menge salè dan su wey utew meputì su emun ebeelan dan haazà, ebeg̵ayan sikandan te ketenged te kegkaan te veg̵as dutun te kayu he ebpekeveg̵ey te untung wey te kedseled dutun te menge pultahan te inged.

Impezayag 3:17

Egkag̵i kew te, “Sepian kiw ne meupiya is kebpekesavuk tew ne wazè tew en kurang te minsan hengkey.” Ne minsan pa zutun, wazè niw metueni he mekehizuhizu kew utew su egkengeayuayu kew te kedtuu; nengelakap is isip niw wey nengelevasan kew su wazè niw menge metazeng he ulaula.