Mateo 5:1 - Manobo Western Bukidnon

¹ Ne naahà ni Jesus is mezakel he menge etew ne zutun midtekezeg sikandin te vuvungan ne zutun mebpinuu. Ne mid-uvey ziyà te kandin is menge sumusundan din,

Mateo 5:1 Cross References

Mateo 13:2

Ne zuen mezakel he menge etew he midtig̵um diyà te kandin. Ne g̵eina te utew zan mezakel, mid-untud si Jesus te avang ne zutun mebpinuu. Ne is menge etew, diyè dan dà te veyvey is ebpememineg kandin.

Mateo 15:29

Ne mid-awà si Jesus dutun ne mibpemeyvey te ranew he Geliliya. Midtekezeg sikandin diyà te vuvungan dutun ne mibpinuu.

Mateo 4:25

Ne tenged dutun mezakel utew he menge etew is ebpemenduma kandin. Duen dutun menge tigGeliliya, duen menge etew he ebpuun te prubinsya he Dikepulis, duen tigHiruselim, tigHudiya, wey menge etew he ziyà ebpemuun te tanà he ziyà te zapit te edsilaan te wahig he Hurdan.

Mateo 5:2

ne mibpenurù din sikandan.

Marcos 3:13

Ne zutun midtekezeg si Jesus diyà te vuvungan dutun ne mid-umew zin sikan is nengepilì din he mehimu he sinerig̵an din. Ne mid-uvey zan diyà te kandin.

Marcos 3:20

Ne zutun ensi Jesus, wazè dan en timpu minsan te kegkaan su utew mezakel is menge etew he nengeamur-amur ziyà te kandin.

Marcos 4:1

Ne sevaha he andew zutun diyà te veyvey te ranew mid-uman penurua ni Jesus is menge etew. Ne utew mezakel is menge etew he nengeamur-amur ziyà te kandin, ne tenged kayi mid-untud sikandin diyà te avang he uvey zutun te veyvey ne zutun mebpinuu. Ne is menge etew, diyè dan dà te veyvey is ebpememineg kandin.

Lucas 6:12

Ne sevaha he andew zutun midhendiyà si Jesus te vuvungan su ed-ampù diyà te Megbevayà. Ne mid-ampù sikandin dutun te tivuuk he kezukileman.

Lucas 6:17

Ne hein neipus ni Jesus is kebpilia zin kandan midtupang sikandin duma haazà is nengepilì din. Midteren dan dutun te patag ne nengevurun dutun is mezakel he menge sumusundan din wey is medmezakel he menge etew he ebpemuun diyà te menge inged he sakup te Hudiya wey ziyà te inged he Hiruselim. Ne zuen daan menge etew he ziyà ebpemuun te menge inged he Tiru wey Sidun he ziyà te veyvey te zag̵at. Iyan tuyù dutun te menge etew is ebpemineg dan te kebpenurù ni Jesus wey ebpemevawì daan sikandan kandin te menge zaru zan.

Lucas 6:20

Ne mibpenlangulangu si Jesus diyà te menge sumusundan din ne migkag̵i sikandin te, “Utew kew zeyzey is menge ayuayu su iyan kew en edhedian te Megbevayà!

Lucas 9:28

Ne menge sengesimana puun dutun te kegkag̵i kayi ni Jesus, miduma zin ensi Pedro, si Santiago, wey si Juan ne midtekezeg dan te vuvungan su wey mekeampù diyà te Megbevayà.

Juan 6:15

Ne si Jesus, geina te netuenan din he ebeyaan dan sikandin su edteg̵elen dan sikandin edhimuwa he hadì dan, mid-awà dutun te sebsevaha zin ne midtekezeg diyà te vuvungan.