Mateo 4:7 - Manobo Western Bukidnon

⁷ Ne midtavak si Jesus te, “Duen daan insurat he Lalag te Megbevayà he edhenduen te, ‘Kenè kew mebaal te paag̵i he igezam niw te g̵ehem te Nengazen he iyan Megbevayè niw.’ ”

Mateo 4:7 Cross References

Mateo 21:16

Ne tenged dutun migkag̵i zan diyà te ki Jesus is egkengepauk te, “Egkezineg nu ve heini is egkeg̵iyen dan?” Ne midtavak si Jesus te, “Egkezineg ku. Wazè niw ves mevasa sikan is insurat he tagnà te ebpeneuven te Megbevayà he edhenduen te, ‘Mibpenurù nu is menge vatà wey mehustu is kedelig̵a zan kenikew.’ ”

Mateo 21:42

Ne migkag̵i si Jesus te, “Siguradu nevasa niw en sikan is insurat he Lalag te Megbevayà he edhenduen te, ‘Sikan is batu he himan te valey, mid-engkezan te menge pandey su kunaan dan ke wazè din pulus. Ne heini, nehimu en guntaan he vatu he iyan dà ebpekepurung te valey. Ulaula heini te Nengazen, ne igkeinuinu tew utew.’

Mateo 4:10

Ne mibensag̵an ni Jesus te, “Setanas, ewai a kenikew! Duen insurat he Lalag te Megbevayà he edhenduen te, ‘Iyan niw zà ezapa is Nengazen he Megbevayè niw. Ne is duma pa he ngazan he megbevayà, kenè niw tumana is sug̵ù din.’ ”

Mateo 4:4

Ne midtavak si Jesus te, “Duen insurat he Lalag te Megbevayà he edhenduen te, ‘Kenà iyan dà igkeuyag te menusiyà is egkeenen, kekenà, elin daan egkinehenglanen din is minsan hengkey he lalag he egkeg̵iyen te Megbevayà.’ ”

Lucas 4:12

Ne midtavak kandin si Jesus te, “Duen daan insurat he Lalag te Megbevayà he edhenduen te, ‘Kenè kew mebaal te paag̵i he igezam niw te g̵ehem te Nengazen he iyan Megbevayè niw.’ ”

Nengeulaula 15:10

Ne maan is egezamen niw is pauk te Megbevayà? Maan is ibpetuman niw te menge zuma tew he sumusundan ni Jesus is menge imbilinbilin he kesug̵uan he utew mereg̵en, he sikitew wey is ginikanan tew, wazà daan meketuman.

Nengeulaula 5:9

Ne migkag̵i en maan si Pedro te, “Maan is mid-uyunan niw he ebpenggezaman niw is Wag̵as he Mulin-ulin? Ebpekeume en maan kes menge maama he midleveng te esawa nu. Ne ed-uwiten ke zan daan su idleveng ka.”

1 Kurintu 10:9

Ne kenè tew zaan egezaman is ked-entusa kenitew te Megbevayà su iyan heini mid-ulaula te zuma kandan ne iyan silut kandan dutun is: mibpendunghul sikandan te menge uled ne nemematey zan.

Hibriyuhanen 3:9

Su migkag̵i is Megbevayà te, “Minsan pa te seled te kepatan he tuig nengeehè dan is menge egkein-inuwan he mibeelan ku, ne migezaman dan pa ke hendei taman is kebpelevaya ku te menge mezaat he ulaula zan.