Mateo 4:12 - Manobo Western Bukidnon

¹² Ne hein netuenan ni Jesus he nepirisu si Juan Megbebewtismu, mid-ulì diyà te prubinsya he Geliliya.

Mateo 4:12 Cross References

Mateo 11:2

Ne ziyà te pirisuwan midtudtulan si Juan Megbebewtismu mehitenged te menge egkein-inuwan he mibeelan ni Jesu Kristu, ne midsug̵ù ni Juan is menge sumusundan din wey zan meinsai si Jesus.

Mateo 14:3

Ne iyan hinungdan te kegkehimetayi ki Juan, su midsawey zin si Hirudis he migkag̵i te, “Nekesupak ka te kesug̵uan su mid-esawa nu si Hirudyas,” ke sikandin. Ipag ni Hirudis si Hirudyas, su esawa te hazi zin he si Felipe. Ne tenged dutun te kedsewaya kandin ni Juan impezakep ni Hirudis si Juan ne mibpirisu zin. Edhimetayan din pezem si Juan, iyan, egkehandek te menge Hudiyu su netuenan dan he ebpeneuven si Juan te Megbevayà.

Marcos 1:14

Ne hein impezakep en ni Hadì Hirudis si Juan, midlikù si Jesus diyà te prubinsya he Geliliya ne impesavut din dutun te menge etew is Meupiya he Tudtulanen he ebpuun te Megbevayà.

Marcos 6:17

Ne heini si Hadì Hirudis, iyan hinungdan he ingkepehimetayan din si Juan su migkeg̵iyan sikandin ni Juan he supak te kesug̵uan is ked-eg̵awa zin te esawa te suled din su si Hadì Hirudis, mid-esawa zin is ipag din he si Hirudyas he esawa te suled din he si Felipe. Ne tenged dutun te migkag̵i ni Juan, impezakep sikandin ni Hirudis ne mibpirisu zin.

Lucas 23:5

Iyan, nasì nememensag is menge etew zutun he egkag̵i te, “Edsinamuk is menge etew he ebpemineg te menge penurù keniyan! Mibpuunan din is kebpenurù din diyà te prubinsya he Geliliya ne midtukid din daan is menge inged dini te prubinsya he Hudiya, Ne g̵untaan, dini en maan sikandin te Hiruselim.”

Lucas 4:14

Ne zutun mid-ulì si Jesus diyà te prubinsya he Geliliya ne zekelà diyà te kandin is gehem te Wag̵as he Mulin-ulin. Ne segugunà nekeeneb diyà te langun he menge inged dutun is tudtul mehitenged ki Jesus.

Lucas 4:31

Ne midlaus si Jesus pehendiyà te Kepirnaum he inged he sakup te Geliliya. Ne zutun te Andew te Kedhimeley mibpenurù din is menge etew ziyà te simbahan.

Juan 1:43

Ne hein mid-ilis he andew zutun neisip ni Jesus he edhendiyà te prubinsya he Geliliya. Mibeyaan din si Felipe ne ke sikandin te, “Duma ka kedì.”

Juan 2:11

Iyan haazà nehuna he egkein-inuwan he mibeelan ni Jesus; midhimu zin diyà te inged he Kana ziyà te prubinsya he Geliliya, ne pinaag̵i zutun impeehè din is dekelà he g̵ehem din ne midtuu kandin is menge sumusundan din.

Juan 3:24

(Wazè pa zutun pirisuwa si Juan.)

Juan 4:43

Ne hein netapus dutun is dezuwa he andew, mid-awà ensi Jesus ne midlaus dan diyà te prubinsya he Geliliya.

Juan 4:54

Iyan heini ikezuwa he egkein-inuwan he mibeelan ni Jesus. Mibeelan din heini zutun te kedlikù din diyà te prubinsya he Geliliya he ebpuun sikandin te prubinsya he Hudiya.