Mateo 4:11 - Manobo Western Bukidnon

¹¹ Ne zutun mid-awà si Setanas ne nekeuma is menge velinsug̵uen te Megbevayà ne imbeg̵ey zan ki Jesus is egkinehenglanen din.

Mateo 4:11 Cross References

Mateo 26:53

Wazè nu ve metueni he emun ebpetavang a te Amey ku he Megbevayà ne edliblibuwen is ibpehendini zin he velinsug̵uen din?

Mateo 4:6

Ne migkeg̵iyan din te, “Emun tutuu iyan he Anak ka te Megbevayà, umpak ka su zuen insurat he Lalag te Megbevayà he edhenduen te, ‘Ebpetevangan ka te Megbevayà te menge velinsug̵uen din ne edtemukan ke zan su wey kenà egkerudruzan is minsan paa nu te vatu.’ ”

Marcos 1:13

Ne zutun mekeubpà si Jesus seled te kepatan he andew, ne migezaman sikandin ni Setanas ke ebpekesalè be. Ne zuen daan dutun menge ebpekekaid he menge langgam, iyan, mibeyaan si Jesus te menge velinsug̵uen te Megbevayà ne mid-elimahan dan sikandin.

Lucas 22:43

Ne zutun te ked-ampù din ne nekeuma is belinsug̵uen te Megbevayà he ebpuun te langit su edlig-enan din is gehinawa ni Jesus.

Lucas 22:53

Ne hein duma a keniyu kada andew ziyà te Valey te Megbevayà is ebpenurù ne wazà a keniyu zutun dà dekepa. Iyan, iyan heini g̵untaan kes timpu he imbanglis keniyu wey niw meveeli is egkesuatan ni Setanas.”

Lucas 4:13

Ne hein netuenan ni Setanas he kenè din bes egkepenulayan si Jesus, ne mid-ewaan din dè pa.

Juan 14:30

Mevavè dà utew is menge lalag ku keniyu su meg̵aan en ebpekeuma si Setanas is egalen te menge etew zini te kelibutan he kuntada ku. Wazè din keg̵ehem kediey,

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

Hibriyuhanen 1:14

Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Hibriyuhanen 1:6

Ne migkag̵i zaan is Megbevayà mehitenged te kakey he Anak din dutun te timpu te kedsug̵ua zin kandin dini te kelibutan, ke sikandin te, “Kinahanglan he ed-ezapen sikandin te langun he menge velinsug̵uen te Megbevayà.”