Mateo 3:7 - Manobo Western Bukidnon

⁷ Ne naahà ni Juan is mezakel he etew he menge Perisiyu wey menge Sedusiyu he edhendiyà te kandin su ebpebewtismu. Ne migkeg̵iyan din sikandan te, “Iring te ulaula te uled is ulaula niw su teruen kew. Maan is edhendini kew? Kunaan niw vuwa ke ebpekeg̵awas kew te silut te Megbevayà.

Mateo 3:7 Cross References

Mateo 12:24

Ne zuen menge Perisiyu zutun ne hein nezineg dan haazà migkag̵i zan te, “Umba zuen gehem din he ebpekeulì te edlelungen te mezaat he mulin-ulin su iyan mibeg̵ey kandin te g̵ehem si Endedaman, sikan is egalen te menge mezaat he mulin-ulin.”

Mateo 12:34

Iring din ded daan kayi te keniyu. Wazà meupiya he egkekag̵i niw su memezaat is ulaula niw. Iring kew te menge uled su ebpekekaid kew! Is diyà te g̵ehinawa te etew, iyan edlepew ziyà te vèbè din.

Mateo 15:12

Ne mid-uvayan si Jesus te menge sumusundan din ne ke sikandan te, “Netuenan nu ve he nepeukan ka te menge Perisiyu tenged te menge lalag nu g̵eina?”

Mateo 16:1

Duen menge Perisiyu wey Sedusiyu he midhendiyà te ki Jesus su egezamen dan sikandin. Umba mid-insaan dan, ke sikandan te, “Ipeehè key te singyal he tuus he sug̵ù ka te Megbevayà.”

Mateo 16:6

Hein nekerapas dan en, duen sempità he impezineg kandan ni Jesus. Ke sikandin te, “Andam kew wey niw melikayi is tapey te menge Perisiyu wey Sedusiyu.”

Mateo 22:15

Ne zutun mid-ewaan si Jesus te menge Perisiyu su ed-uyunan dan ke hengkey is kegkepulutikahi zan ki Jesus wey mehimu he ikesumbung dan.

Mateo 22:23

Ne netegteg̵aad dutun, duen menge Sedusiyu he midhendiyà te ki Jesus. Is menge Sedusiyu, ne iyan is menge Hudiyu he edtuu he kenà egkengevanhew keuzemà is minsan hentei.

Mateo 22:34

Ne hein netuenan dutun te menge Perisiyu he wazà nehimu te menge Sedusiyu ziyà te ki Jesus he igkepezekepa zan kandin, midtig̵um sikandan.

Mateo 23:33

Iring kew te menge uled wey menge anak te uled su utew mezaat is ulaula niw. Ebmenmenuwen niw te kedlikey is silut keniyu ziyà te Impirnu?

Mateo 5:20

Egkeg̵iyan ku sikiyu he wey kew zà egkehedii te Megbevayà ke edtumanen niw is egkesuatan te Megbevayà ne kinahanglan daan he lavew kew pa he metinumanen kenà is menge menunudlù te kesug̵uan wey is menge Perisiyu.

Marcos 12:13

Ne midsug̵ù dan is duma zutun te menge Perisiyu wey te menge sakup te upakat he midtukud ni Hirudis su wey zan mepulutikahi si Jesus he meveeli zan te sumbung.

Marcos 12:18

Ne zuen daan menge Sedusiyu he midhendiyà te ki Jesus. Ne is menge Sedusiyu, iyan kes menge Hudiyu he edtuu he kenà egkengevanhew keuzemà is minsan hentei.

Marcos 8:15

Ne zutun duen sempità he impezineg kandan ni Jesus. Ibpesavut din he likayi zan is menge mezaat he vetasan te menge etew. Ke sikandin te, “Andam kew wey niw melikayi is tapey te menge Peresiyu wey is tapey te menge sakup ni Hadì Hirudis.”

Lucas 16:14

Ne zuen dutun menge Perisiyu he iyan dekelà diyà te g̵ehinawa zan is selapì. Ne hein nezineg dan haazà is penurù ni Jesus ne midsumpalit dan sikandin.

Lucas 18:11

Ne midhitindeg haazà is Perisiyu ne mid-ampù pinaag̵i te g̵ehinawa zin, ke sikandin te, ‘Megbevayà, ebpeselamat a kenikew su kenà a iring te zuma. Kenà a leg̵ezen; kenà a ebpenlimbung; kenè ku edselselaan is esawa ku. Ebpeselamat a zaan kenikew su kenà a iring keniyà te limbungan he menunukut te vuhis.

Lucas 7:30

Iyan, is menge Perisiyu wey is menge menunudlù te kesug̵uan te menge Hudiyu, wazè dan mulà pezumdumahi is egkesuatan te Megbevayà he ibpeulaula kandan ne wazè dan daan mebpebewtismu ki Juan.

Juan 1:24

Heini is menge etew he ed-insà ki Juan, ne menge sug̵ù te menge Perisiyu.

Juan 8:44

Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

Juan 9:40

Ne zuen menge Perisiyu he nekezineg dutun te menge lalag din, ne ke sikandan te, “Lakap bes is kedsavut dey?”

Nengeulaula 15:5

Ne zutun duen migkag̵i he menge tumutuu he sakup te upakat he Perisiyu, ne ke sikandan te, “Sikan is menge tumutuu he kenà menge Hudiyu, kinahanglan he edsirkunsidaren sikandan wey kinahanglan ded daan he ibpetuman kandan is kesug̵uan he imbilinbilin ni Moises.”

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

Nengeulaula 26:5

Netuenan dan wey igkevenari zan emun egkezawat te g̵ehinawa zan he puun pa te menguhed e pa, Perisiyu e en. Ne emun Perisiyu, utew meheg̵et is kedtumana zin te tuluuwen tew te menge Hudiyu.

Nengeulaula 5:17

Ne zutun he timpu, is lavew he memumuhat wey menge zuma zin he menge Sedusiyu, utew zan nengesina zutun te menge epustul. Ne midwaleng dan dà

Ruma 1:18

Is Megbevayà diyà te langit, impeehè din en he utew zin igkepauk is langun he menge mezaat he ulaula te menge etew wey is kenè dan kedtahud kandin. Su pinaag̵i te kelelalung dan egkesanggen is kebpesevuta te tutuu he tuluuwen.

Ruma 5:9

Ne emun pinaag̵i te kedtig̵is te lengesa ni Kristu mid-isip kiw en te Megbevayà he metazeng, wey kiw pe be kenà melibri tenged ki Kristu te silut keuzemà te Megbevayà.

1 Tiselunika 1:10

Su edteg̵azan niw kun is kedlikù te Anak din he ebpuun te langit. Iyan si Jesus he Anak te Megbevayà he mibanhew zin. Iyan si Jesus he midlibri kenitew te silut wey kiw mekeliyu te ebpekeuma he kedlimasa te Megbevayà te menusiyà.

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.

Hibriyuhanen 6:18

Ne zuen dezuwa he ulaula te Megbevayà he kenà egkehalin te minsan hentei. Is sevaha, ne iyan is penaad din, ne is sevaha, ne iyan is kedlig-eni zin te penaad din. Ne pinaag̵i kayi te zezuwa egkesavut ta he kenà egkehimu he kenè din edtumanen is penaad din. Ne tenged kayi, sikitew is nemekeaput diyà te kandin, utew meheg̵et is kedsarig tew kandin ne tenged kayi edhemenan tew is kebpeebuta tew te langun he meupiya he impenaad din kenitew.

1 Juan 3:10

Ne ke zuen etew he kenà metazeng is menge ulaula zin, tuus heini he kenà sikandin anak te Megbevayà. Ne kenà daan anak te Megbevayà is minsan hentei he kenè din ebmahalen is duma zin. Pinaag̵i kayi egketuusan ta ke hentei is menge anak te Megbevayà wey ke hentei is menge sakup ni Setanas.