Mateo 27:6 - Manobo Western Bukidnon

⁶ Ne is menge punuan te memumuhat, hein nekuwa zan sikan is selapì, migkag̵i zan te, “Ebpekesupak kiw te kesug̵uan ke id-ulug tew heini ziyà te teleg̵uey te selapì kayi te simbahan su imbayad heini wey mehimetayi is etew.”

Mateo 27:6 Cross References

Mateo 23:24

Iring kew te lakap he ed-ag̵ak te sengelelakap. Kenè niw egkeaku te ebaal is utew zeisey he salà, iyan, egkeekuwan niw mulà te ebaal is utew zekelà he salà.

Mateo 27:5

Ne haazà is selapì, insimburà ni Hudas dutun te simbahan ne mid-awà dutun su netag̵ù diyà te g̵ehinawa zin is kedhiket, ne zutun mibitey sikandin.

Mateo 27:7

Ne tenged dutun mibivitiyara zan ke hengkey is ed-ul-ulahan dan dutun. Ne zuen tanà he migngezanan te tanà te ebpendiyun, ne mibpemasa zan haazà dutun te selapì su wey mehimu he penlevengà te menge etew he kenà Hudiyu.

Marcos 7:11

Ne iyan keniyu he ibpenurù is: ke zuen etew he zuen din igketavang te iney zin wey amey zin, edtug̵utan niw haazà is etew ke egkag̵i zutun te menge g̵inikanan din te, ‘kurban’, he ke và dà egkeg̵iya, ‘Heini is idtavang ku pezem keniyu, kenè ku igkeveg̵ey su imbuwis ku ziyà te Megbevayà.’

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.