Mateo 27:1 - Manobo Western Bukidnon

¹ Ne hein nepawà dutun is langun he menge punuan te menge memumuhat wey menge ebmeg̵urangen te menge Hudiyu, mid-uyunan dan ke ebmenmenuwen dan is paag̵i wey iketug̵ut kandan is kedhimetayi ki Jesus.

Mateo 27:1 Cross References

Mateo 23:13

Kehizu niw te menge menunudlù te kesug̵uan wey sikiyu is menge Perisiyu su tarù is kedtuu niw te Megbevayà! Su ke zuen etew he ibeg̵ey zin pezem is gehinawa zin diyà te hadì tew he Megbevayà, kenè niw edtug̵utan, ne kenè niw zaan ibpeveyveyaan is gehinawa niw te Megbevayà.

Marcos 15:1

Ne kegkepawè dà dutun, is menge punuan te menge memumuhat wey is menge menunudlù te kesug̵uan wey is menge ebmeg̵urangen te menge Hudiyu, wey is langun he menge menhuhusey, neuyun dan ke hengkey is ed-ul-ulahan dan ki Jesus, ne zutun mibakus dan sikandin ne inhated dan diyà te gubirnedur he Rumanu he si Pilatu.

Lucas 13:1

Ne zutun he timpu zuen nemekeuma he menge etew ne mibpenudtul zan diyà te ki Jesus is mehitenged te menge etew he tigGeliliya he impehimetayan ni Gubirnedur Pilatu zutun te timpu te kebpelengesa zutun te menge etew te langgam diyà te simbahan he Valey te Megbevayà.

Lucas 22:66

Ne hein nepawà dutun, netig̵um is langun he menge ebmeg̵urangen te menge Hudiyu wey is menge punuan he menge memumuhat, wey is menge menunudlù te kesug̵uan, ne impeetuvang kandan si Jesus.

Juan 18:28

Ne zutun mid-uwit dan en maan si Jesus puun dutun te valey ni Keyipas ne midhendiyè dan te turug̵an te gubirnedur he Rumanu. Ne meselem pa utew zutun. Ne ziyè dà is menge punuan he menge Hudiyu te g̵awas su wey kenè dan mekesupak te vetasan dan te kegkelumpiyuwi su ke edseled dan dutun wazà itug̵ut kandan is kedtampu te kegkaan te Idlavung te Kedlevayi.

Nengeulaula 5:21

Ne hein nepawà dutun, midhendiyè dan te simbahan he egngezanan te Valey te Megbevayà ne mibpenurù dan. Ne nekeuma zutun te simbahan is lavew he memumuhat wey menge zuma zin, ne mibpenenawag haazà is lavew he memumuhat he medtig̵um is menge ebmeg̵urangen wey is menge punuan te menge Hudiyu, ne zuen daan midsug̵ù din diyà te pirisuwan su ebpeveyaan sikan is menge epustul.