Mateo 26:26 - Manobo Western Bukidnon

²⁶ Ne zutun te kemulu zan pa egkaan, mid-amì si Jesus te supas, ne mibpeselematan din te Megbevayà ne mibpenevìtevì din ne impemeg̵ey zin diyà te menge sumusundan din. Ke sikandin te, “Iyan heini lawa ku; dewata niw wey keena niw.”

Mateo 26:26 Cross References

Mateo 14:19

Ne zutun migkeg̵iyan din is menge etew he mebpinuu zan diyà te tanà; ne migkuwa zin haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Mibpenevìtevì din is menge supas, ne imbeg̵ey zin diyà te menge sumusundan din. Ne minsan pa zutun wazà maamin haazà is supas. Ne midtukid te menge sumusundan din pemeg̵ayi zutun is menge etew.

Mateo 26:27

Ne zutun mid-amì din is tasa he midteg̵uan te vinu te paras, ne mibpeselematan din daan te Megbevayà ne induwal zin diyà te kandan. Ke sikandin te, “Pudu kew kayi inum.

Marcos 6:41

Ne migkuwa zutun ni Jesus haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Ne mibpenevìtevì din is lelima he supas, ne minsan pa zutun kenà egkeamin haazà is edtevien din. Ne imbeg̵ey zin diyà te menge sumusundan din haazà is nengetevì wey zan ikepemeg̵ey zutun te menge etew. Ne iring ded daan haazà is kebpenebtevia zin dutun te zezuwa he pait.

Lucas 22:17

Ne zutun ne migkuwa ni Jesus is tasa he midteg̵uan te vinu ne mibpeselematan din te Megbevayà ne migkag̵i sikandin diyà te menge sumusundan din te, “Med-inum is kada sevaha keniyu.

Lucas 24:30

Ne hein diyè dan en te valey ne mibpinuu zan is egkaan. Ne si Jesus, migkuwa zin is egkeenen dan he supas. Ne mibpeselematan din te Megbevayà ne mibpenevì din ne human din ipemeg̵ey kandan.

Nengeulaula 2:46

Ne kada andew edtig̵um is langun he menge tumutuu zuen te zekelà he simbahan he egngezanan te Valey te Megbevayà. Ne egkesevaha zan daan he utew melipayen te kegkaan dan dutun te menge valey zan wey kebpevegbeg̵ayè dan.

Nengeulaula 20:7

Ne hein midsanlep en is andew zutun te andew he Sebadu midtig̵um key su wey zey metuman kes Wag̵as he Idlavung. Ne si Pablo, midweliyan din is menge etew ne taman te metaneb en is kezukileman te kedwali zin su zutun te egkepawà egenat sikandin.

1 Kurintu 10:4

ne nekeinum dan te inumen he imbeg̵ey zin daan su is langun te sikandan, ne nekeinum te wahig he ebpuun diyà te vatu he impaahà kandan te Megbevayà. Ne haazà is batu, ne iyan si Kristu he kenà edsuwey kandan.