Mateo 26:11 - Manobo Western Bukidnon

¹¹ Layun niw egketevangi is egkengeayuayu su kenè niw mulà sikandan egkesuwey, iyan, siak, meg̵aan ku en sikiyu egkesuwey.

Mateo 26:11 Cross References

Mateo 18:20

Su ke zuen minsan dezuwa, ne emun kenà, ne tetelu, he egkevurun su ed-azap dan kediey, ne zutun a zaan te kandan.”

Mateo 26:10

Ne netuenan ni Jesus haazà is migkag̵i zan, ne ke sikandin te, “Pesegdana niw en heini is bahi. Utew meupiya heini is mid-ulaula zin dini te kedì.

Mateo 28:20

Penurua niw sikandan he tumana zan sikan is langun he insug̵ù ku keniyu. Ne kenè niw lipati he layun a eduma keniyu taman te kenè pa egketapus heini is timpu.”

Marcos 14:7

Layun niw egketevangi is egkengeayuayu su kenè niw mulà sikandan egkesuwey, iyan, siak, meg̵aan ku en sikiyu egkesuwey.

Juan 12:8

Is menge egkengeayuayu, layun niw egketevangi sikandan, iyan, siak, kenà a egkeug̵et dini te keniyu,” ke sikandin.

Juan 13:33

Sikiyu is menge minahal ku he menge sumusundan, egketegteg̵aad dà guntaan ne egkeawaan ku en sikiyu. Ebpen-ahaan a keniyu ne iring te migkag̵i ku ziyà te menge Hudiyu, egkeg̵iyen ku zaan dini te keniyu he ke hendei a ebpevayà kenè kew ebpekezuma.

Juan 14:19

Kenè en egketegteg̵aad ne kenà ad maan egkeahà te menge kuntada ku he etew zini te kelibutan, iyan, sikiyu mulà, egkeehè e pa egkeuman keniyu. Kenà egkeawà is untung ku te minsan keenu, umba zuen niw en daan untung he kenà egkeawà te minsan keenu.

Juan 16:28

Diyà a ebpuun te Amey ku ne midhendini a te kelibutan. Ne g̵untaan ed-ewaan ku heini is kelibutan ne ed-ulì ad diyà te Amey ku.”

Juan 16:5

Iyan, guntaan ed-ulì ad diyà te Amey ku he midsug̵ù kedì. Ne wazà sevaha keniyu he ed-insà kedì ke hendei a ebpevayà,

Juan 17:11

Ne g̵untaan ed-ulì ad diyan te kenikew ne kenè e en ed-ubpà dini te kelibutan, iyan, heini is menge etew he g̵aked ta, dini zan pa te kelibutan. Wag̵as he Amey ku, pinaag̵i te g̵ehem te ngazan nu, ipata nu heini is menge imbeg̵ey nu kediey he etew su wey mesevaha sikandan iring te sevaha ki zà.

Nengeulaula 3:21

Diyè pa si Jesus ebpekeubpà te langit taman te kenè pa edhimuwen te Megbevayà he veg̵u is minsan hengkey sumalà te netagnà dengan pinaag̵i te ebpemeneuven din.

Gelasya 2:10

Iyan dan dà intelaan kenami is kedtevangi zey te menge tumutuu he egkengeayuayu ziyà te Hiruselim, iyan, daan ku en heini midheg̵et dini te g̵ehinawa ku.

1 Juan 3:17

Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.