Mateo 24:51 - Manobo Western Bukidnon

⁵¹ Ne haazà he sulug̵uen, edsilutan sikandin dutun te egalen din ne ebeelan diyà te kandin is iring te ebeelan daan diyà te menge etew he tarù is kedtuu zan. Ne zutun ebpekekulahì sikandin ne ebpekengingitel tuus te utew zin kebpekedsendit.”

Mateo 24:51 Cross References

Mateo 22:13

Ne insug̵ù dutun te hadì te menge sulug̵uen din te, ‘Bekusa niw is menge velad wey paa zin ne itimbag niw sikandin diyà te g̵awas, diyà te merusirem he utew meziyù. Ne zutun sikandin ebpekengingitel ne ebpekekulahì tenged te utew sikandin ebpekedsendit.’ ”

Mateo 24:50

Su zutun he andew te wazè din peebuta wey zutun te uras he wazè din metueni, ebpekeulì haazà is egalen din.

Mateo 25:30

Ne heini is wazè din pulus he sulug̵uen, itimbag niw ziyà te merusirem he utew meziyù diyà te g̵awas. Dutun ne ebpekekulahì wey ebpekengingitel tenged te utew ebpekedsendit.’

Mateo 8:12

Iyan, mezakel zaan he kevuwazan ni Israyil he midteg̵enahan pezem te Megbevayà te ginhedian din, iyan, igketimbag sikandan diyà te merusirem he utew meziyù te ed-ubpaan te Megbevayà. Ne ebpemekekulahì dan is ebpemekengingitel he utew zan ebpemekedsendit.”

Lucas 12:46

Su zutun te andew he wazè din peebuta wey te uras he wazè din metueni, ebpekeulì haazà is egalen din. Ne haazà is sulug̵uen, ebeelan diyà te kandin is iring te ebeelan diyà te menge sulug̵uen he kenà egkeserig̵an ne edhimetayan sikandin te egalen din.

Lucas 13:28

Ne zutun,” ke si Jesus, “utew zekelà he erang niw ne ebpemekengingitel kew tenged te utew ibmesakit pezem te g̵ehinawa niw su kenè kew ebpekeragkes dutun te edhedian te Megbevayà, ne ziyà te seled, ne egkeehè niw is menge kepuun niw zengan, ensi Abraham wey sikan is anak din he si Isaak wey sikan is apù din he si Hakub wey elin daan dutun is langun he ebpemeneuven te Megbevayà.